തിരുവനന്തപുരം: തിരുവനന്തപുരം ഡിസിസി ഓഫിസിന് നേരെ ആക്രമണം. ഓഫിസിന്റെ ചില്ലുകള് കല്ലെറിഞ്ഞ് തകര്ത്ത നിലയിലാണ്. ആക്രമണത്തിന് പിന്നില് ബിജെപിയാണെന്ന് കോണ്ഗ്രസ് ആരോപിച്ചു. ബേക്കറി ജംഗഷനിലെ തിരുവനന്തപുരം ജില്ലാ കോണ്ഗ്രസ് ഓഫിസിന് നേരെയാണ് ആക്രമണമുണ്ടായത്. രാത്രിയോ പുലര്ച്ചെയോ ആണ് ആക്രമണം നടന്നതെന്നാണ് സംശയം.
ഓഫിസിന്റെ പ്രധാന വാതിലിന്റെ ചില്ല് കല്ലെറിഞ്ഞ് തകര്ത്ത നിലയിലാണ്. അമിത് ഷായ്ക്കെതിരെ കരിങ്കൊടി കാണിച്ചതിന് പിന്നാലെ ബിജെപിയും കോണ്ഗ്രസ് പ്രവര്ത്തകരും തമ്മില് പ്രതിഷേധങ്ങള് ഉണ്ടായിരുന്നു. ഇതിന്റെ ഭാഗമായി ബിജെപിയും യുവമോര്ച്ചയും നടത്തിയ അക്രമമാണെന്നാണ് കോണ്ഗ്രസ് നേതാക്കളുടെ ആരോപണം. ഡിസിസി ഓഫിസ് ആക്രമിച്ചതില് കോണ്ഗ്രസ് പ്രതിഷേധിക്കുമെന്നും മന്ത്രിമാരടക്കമുള്ള മുതിര്ന്ന കോണ്ഗ്രസ് നേതാക്കള് സംഭവസ്ഥലത്ത് ഉടന് എത്തിച്ചേരുമെന്നാണ് വിവരം.
SUMMARY: Stones pelted at Thiruvananthapuram DCC office; windows smashed
