ബെംഗളൂരു: ഏഷ്യൻഗെയിംസിൽ സ്വർണംനേടിയ കർണാടക താരങ്ങൾക്ക് പാരിതോഷികം പ്രഖ്യാപിച്ച് സംസ്ഥാന സർക്കാർ. സ്വർണംനേടിയ ഒരുകോടി രൂപയും വെള്ളിമെഡൽ നേടിയവർക്ക് 75 ലക്ഷവും വെങ്കലം നേടിയവർക്ക് 50 ലക്ഷവും നൽകും. നേരത്തെ ഇത് 35 ലക്ഷം, 25 ലക്ഷം, 15 ലക്ഷം എന്നിങ്ങനെയായിരുന്നു. ഇത്തവണത്തെ ഏഷ്യൻ ഗെയിംസിൽ മെഡൽനേടിയ താരങ്ങൾക്ക് സർക്കാർവക സ്വീകരണം നൽകിയ ചടങ്ങിൽ മുഖ്യമന്ത്രി ഡി.കെ. ശിവകുമാറാണ് പ്രഖ്യാപനം നടത്തിയത്. ഉപമുഖ്യമന്ത്രി ജി. പരമേശ്വരയും സംബന്ധിച്ചു.
സംസ്ഥാനത്തിന് മെഡൽ നേടിയവരെ മുഖ്യമന്ത്രി ഡി കെ ശിവകുമാർ അഭിനന്ദിച്ചു. കായികതാരങ്ങൾക്ക് സാമ്പത്തികവും തൊഴിൽ സുരക്ഷയും നൽകുന്നതിനൊപ്പം കായിക നേട്ടങ്ങൾ അംഗീകരിക്കുന്നതിനും സർക്കാർ നടപടികൾ സ്വീകരിക്കുന്നുണ്ടെന്ന് ചടങ്ങിൽ സംസാരിച്ച ഉപമുഖ്യമന്ത്രി പറഞ്ഞു.
ആകെ 20 പേരാണ് ഏഷ്യൻ ഗെയിംസ് ഇന്ത്യൻ സംഘത്തിലുണ്ടായിരുന്ന കർണാടക താരങ്ങൾ. അത്‌ലറ്റിക്‌സ്, ബാഡ്മിന്റൺ, ക്രിക്കറ്റ്, സൈക്കിളിങ്, ഗോൾഫ്, ഹോക്കി, ഷൂട്ടിങ്, നീന്തൽ, ടേബിൾ ടെന്നീസ് തുടങ്ങിയ ഇനങ്ങളിലാണ് മത്സരിച്ചത്. നാല് സ്വർണവും അഞ്ചു വെള്ളിയും ഒരു വെങ്കലവും കർണാടകതാരങ്ങൾ നേടിയെടുത്തു.
SUMMARY: Karnataka government announces cash awards for Asian Games medal winners; RS 1 crore for gold medalists from the state.
