ചെന്നൈ: ടൈഡല്‍ പാർക്കിന് സമീപം റോഡ് അപ്രതീക്ഷിതമായി ഇടിഞ്ഞുണ്ടായ കൂറ്റൻ കുഴിയിലേക്ക് കാർ പതിച്ച്‌ തലകീഴായി മറിഞ്ഞു. യാത്രക്കാർ നിസാര പരുക്കുകളോടെ രക്ഷപ്പെട്ടു. വ്യാഴാഴ്ച രാവിലെയുണ്ടായ അപകടത്തെ തുടർന്ന് രാജീവ് ഗാന്ധി സാലൈയില്‍ ഗതാഗതം തടസപ്പെട്ടു.മധ്യ കൈലാഷില്‍ നിന്ന് ടൈഡല്‍ പാർക്കിലേക്ക് പോകുകയായിരുന്ന കാറാണ് അപകടത്തില്‍പ്പെട്ടത്.
റോഡിന്റെ ഒരു ഭാഗം അപ്രതീക്ഷിതമായി ഇടിഞ്ഞതോടെ കാർ കുഴിയിലേക്ക് മറിഞ്ഞ് തലകീഴായി കുടുങ്ങുകയായിരുന്നു. സമീപത്തുണ്ടായിരുന്ന നാട്ടുകാരുടെയും ട്രാഫിക് പോലീസിന്റെയും സഹായത്തോടെയാണ് യാത്രക്കാർ വാഹനത്തില്‍ നിന്ന് പുറത്തിറങ്ങിയത്. അപകടത്തെ തുടർന്ന് പ്രദേശത്ത് വലിയ ഗതാഗതക്കുരുക്കും രൂപപ്പെട്ടു. ചെന്നൈയിലെ പ്രധാന ഐ.ടി ഇടനാഴിയായ ഈ മേഖലയില്‍ കഴിഞ്ഞ മാസങ്ങളിലും സമാനമായ റോഡ് ഇടിച്ചിലുകള്‍ റിപ്പോർട്ട് ചെയ്തിരുന്നു.
SUMMARY: Major accident on Chennai Metro construction route: Road collapses, car falls into pit
