മലപ്പുറത്തിന്റെ കാത്തിരിപ്പിന് വിരാമമാകുന്നു; വേണാട് എക്സ്പ്രസ് നിലമ്പൂരിലേക്ക് നീട്ടും

നിലമ്പൂർ: മലപ്പുറം ജില്ലയിലെ മലയോര മേഖലയിലുള്ള യാത്രക്കാരുടെയും റെയില്‍വേ ആക്ഷന്‍ കൗണ്‍സിലിന്റെയും ദീര്‍ഘകാലത്തെ കാത്തിരിപ്പിന് ഒടുവില്‍ വിരാമമാകുന്നു. ഷൊർണൂർ-തിരുവനന്തപുരം റൂട്ടിലോടുന്ന വേണാട് എക്‌സ്പ്രസ് നിലമ്പൂരിലേക്ക് നീട്ടാനുള്ള സാധ്യത പാലക്കാട് ഡിആർഎം മധുകർ റോത്ത് സ്ഥിരീകരിച്ചു. ഏറെ വൈകാതെ തന്നെ വേണാട് എക്സ്പ്രസ് നിലമ്പൂരിലേക്ക് നീട്ടും.

ഷൊര്‍ണ്ണൂര്‍ മുതല്‍ നിലമ്പൂര്‍ വരെയുള്ള പാതയിലെ പ്രധാന സ്റ്റേഷനുകളില്‍ വേണാട് എക്‌സ്പ്രസിനെ ഉള്‍ക്കൊള്ളാനുള്ള പ്ലാറ്റ്ഫോം സൗകര്യമില്ലാത്തതായിരുന്നു ഇതുവരെ ട്രെയിന്‍ സര്‍വീസ് നീട്ടുന്നതിന് വലിയ തടസ്സമായി നിന്നത്. വേണാട് എക്‌സ്പ്രസിന് ആകെ 22 കോച്ചുകളാണുള്ളത്. എന്നാല്‍ നിലമ്പൂര്‍ പാതയിലെ ഭൂരിഭാഗം സ്റ്റേഷനുകളിലും 18 കോച്ചുകള്‍ നിര്‍ത്തിയിടാനുള്ള ശേഷി മാത്രമേ ഉണ്ടായിരുന്നുള്ളൂ. ഇതിനാല്‍ ട്രെയിനിന്റെ നീളം കാരണം ആറ് ബോഗികള്‍ വരെ പ്ലാറ്റ്ഫോമിന് പുറത്ത് കിടക്കേണ്ട അവസ്ഥ വന്നിരുന്നു. റെയില്‍വേ ചട്ടപ്രകാരം ഇത് അനുവദനീയമല്ലാത്തതിനാലാണ് പദ്ധതി നീണ്ടുപോയത്. എന്നാല്‍ മേലാറ്റൂര്‍ സ്റ്റേഷനില്‍ 24 കോച്ച് ഉള്‍ക്കൊള്ളുന്ന പ്ലാറ്റ്ഫോമിന്റെ നിര്‍മ്മാണം പൂര്‍ത്തിയായതോടെ സര്‍വീസ് നീട്ടുന്നതിനുള്ള വലിയൊരു തടസ്സം ഒഴിവായി. അടുത്ത മാസം ക്രോസിങ് സ്റ്റേഷന്‍ കൂടി കമ്മീഷന്‍ ചെയ്യുന്നതോടെ റെയില്‍വേയുടെ ഭാഗത്തുനിന്നുള്ള സാങ്കേതിക തടസ്സങ്ങള്‍ പൂര്‍ണ്ണമായി ഒഴിവാകും.

നിലവില്‍ ഉച്ചയ്ക്ക് 12 മണിക്ക് ഷൊര്‍ണ്ണൂരില്‍ യാത്ര അവസാനിപ്പിക്കുന്ന വേണാട് എക്‌സ്പ്രസ് ഉച്ചകഴിഞ്ഞ് 3 മണിയോടെയാണ് തിരുവനന്തപുരത്തേക്ക് മടക്കയാത്ര ആരംഭിക്കുന്നത്. ഷൊര്‍ണ്ണൂര്‍ സ്റ്റേഷനില്‍ ട്രെയിന്‍ വെറുതെ നിര്‍ത്തിയിടുന്ന ഈ മൂന്ന് മണിക്കൂര്‍ സമയം കൃത്യമായി ഉപയോഗപ്പെടുത്തി നിലമ്പൂരിലേക്ക് സര്‍വീസ് നടത്താനാണ് റെയില്‍വേ അധികൃതര്‍ പദ്ധതിയിടുന്നത്. നിലവില്‍ രാവിലെ 10 മണിക്കും ഉച്ചയ്ക്ക് 3 മണിക്കും ഇടയില്‍ നിലമ്പൂര്‍ പാതയില്‍ യാത്രാ ട്രെയിനുകള്‍ ഒന്നുംതന്നെ സര്‍വീസ് നടത്തുന്നില്ല.

വേണാട് എക്‌സ്പ്രസ് നിലമ്പൂരിലേക്ക് നീട്ടുന്നതോടെ ഈ സമയപരിധിയിലെ യാത്രാദുരിതത്തിന് ശാശ്വത പരിഹാരമാകുകയും ചെയ്യും.ട്രെയിന്‍ സര്‍വീസ് നീട്ടുന്നതിനോടൊപ്പം നിലമ്പൂര്‍ സ്റ്റേഷനില്‍ മുന്‍പ് ലാഭകരമല്ലെന്ന പേരില്‍ നിര്‍ത്തിവെച്ച പാഴ്സല്‍ സര്‍വീസ് പുനരാരംഭിക്കുന്ന കാര്യവും യോഗത്തില്‍ ചര്‍ച്ചയായി. സര്‍വീസ് ലാഭകരമാകുമെന്ന് ഉറപ്പ് ലഭിച്ചാല്‍ പാഴ്സല്‍ സര്‍വീസ് പുനരാരംഭിക്കാന്‍ തയ്യാറാണെന്ന് ഡി.ആര്‍.എം അറിയിച്ചു. വരുമാനം വര്‍ദ്ധിക്കുന്നതിനനുസരിച്ച് പാതയില്‍ കൂടുതല്‍ വികസന പദ്ധതികള്‍ നടപ്പിലാക്കുമെന്നും അദ്ദേഹം വ്യക്തമാക്കി.

യോഗത്തില്‍ നിലമ്പൂര്‍-മൈസൂരു റെയില്‍വേ ആക്ഷന്‍ കൗണ്‍സില്‍ പ്രസിഡന്റ് ഡോ. ബിജു നൈനാന്‍, കെ.വി.വി.ഇ.എസ് ജില്ലാ വൈസ് പ്രസിഡന്റ് വിനോദ് പി. മേനോന്‍, ഡിവിഷണല്‍ റെയില്‍വേ കണ്‍സള്‍ട്ടേറ്റീവ് കമ്മിറ്റി അംഗങ്ങളായ ജോഷ്വ കോശി, അനസ് യൂണിയന്‍, വ്യവസായി പി. ഇസ്മായില്‍ തുടങ്ങിയവരും പങ്കെടുത്തു.
SUMMARY: Malappuram’s long wait is coming to an end; Venad Express to be extended to Nilambur.

 

ന്യൂസ് ബെംഗളൂരു ഡോട്ട് കോം വായനക്കാരുടെ ശ്രദ്ധയ്ക്ക്: അഭിപ്രായങ്ങളും പ്രതികരണങ്ങളും സ്വാഗതം ചെയ്യുന്നു. എന്നാൽ വിദ്വേഷം, വെറുപ്പ്, വ്യക്തിപരമായ അധിക്ഷേപം, തെറ്റായ വിവരങ്ങൾ എന്നിവ ഉൾപ്പെടുന്ന അഭിപ്രായങ്ങൾ അനുവദിക്കില്ല. എല്ലാ അഭിപ്രായങ്ങളും ഇന്ത്യൻ സൈബർ നിയമങ്ങൾക്കും കമ്മ്യൂണിറ്റി മാർഗ്ഗനിർദ്ദേശങ്ങൾക്കും വിധേയമായിരിക്കും. ന്യൂസ് ബെംഗളൂരു ഡോട്ട് കോമിന് അനുചിതമായ അഭിപ്രായങ്ങൾ നീക്കം ചെയ്യാനുള്ള അവകാശമുണ്ട്.

Hot this week

പമ്പ ത്രിവേണിയിൽ വസ്ത്രം ഉപേക്ഷിച്ചാല്‍ 5000 രൂപ പിഴ; ഉത്തരവ് ഇറക്കി ശബരിമല എഡിഎം

ശബരിമല: മണ്ഡല-മകരവിളക്ക് തീർത്ഥാടനകാലത്ത് പമ്പാ നദിയുടെ മലിനീകരണം തടയുന്നതിനും തീർത്ഥാടകരുടെയും പൊതുജനങ്ങളുടെയും...

വൈറ്റ്ഫീൽഡിൽ സൗജന്യ കന്നഡ പഠന ക്ലാസിന് തുടക്കം

ബെംഗളൂരു: ശ്രീ സരസ്വതി എജ്യുക്കേഷൻ ട്രസ്റ്റിന്റെയും തൊദൽനുടി കുട്ടികളുടെ മാസികയുടേയും ആഭിമുഖ്യത്തിൽ...

15,000 രൂപ പ്രതിമാസ ഓണറേറിയം വേണം; ബെംഗളൂരുവിൽ ആശാ പ്രവർത്തകരുടെ സമരം ആറാം ദിവസത്തിലേക്ക്

ബെംഗളൂരു : പ്രതിമാസം 15,000 രൂപ സ്ഥിരം ഓണറേറിയം അനുവദിക്കണമെന്നതടക്കമുള്ള ആവശ്യങ്ങളുന്നയിച്ച്...

അഗസ്റ്റീനിയൻസ് പിതൃവേദി പൂണ്യാളൻസ് പ്രീമിയർ ലീഗ് സീസൺ-3: സെന്റ് തോമസ് ചർച്ച് ജാലഹള്ളി ജേതാക്കൾ

ബെംഗളൂരു: സെന്റ് അഗസ്റ്റിൻ ചർച്ച് മരിയനഹള്ളി അഗസ്റ്റീനിയൻസ് പിതൃവേദിയുടെ ആഭിമുഖ്യത്തിൽ സംഘടിപ്പിച്ച...

തമിഴ്‌നാട്ടിൽ നിയന്ത്രണംവിട്ട കാർ മരത്തിലിടിച്ച് അപകടം; എട്ട് പേർക്ക് ദാരുണാന്ത്യം

ചെന്നൈ: തമിഴ്‌നാട്ടിലെ തിരുച്ചിറപ്പള്ളി ജില്ലയിൽ നിയന്ത്രണംവിട്ട കാർ റോഡരികിലെ മരത്തിലിടിച്ചുണ്ടായ ദാരുണമായ...

പമ്പ ത്രിവേണിയിൽ വസ്ത്രം ഉപേക്ഷിച്ചാല്‍ 5000 രൂപ പിഴ; ഉത്തരവ് ഇറക്കി ശബരിമല എഡിഎം

ശബരിമല: മണ്ഡല-മകരവിളക്ക് തീർത്ഥാടനകാലത്ത് പമ്പാ നദിയുടെ മലിനീകരണം തടയുന്നതിനും തീർത്ഥാടകരുടെയും പൊതുജനങ്ങളുടെയും...

വൈറ്റ്ഫീൽഡിൽ സൗജന്യ കന്നഡ പഠന ക്ലാസിന് തുടക്കം

ബെംഗളൂരു: ശ്രീ സരസ്വതി എജ്യുക്കേഷൻ ട്രസ്റ്റിന്റെയും തൊദൽനുടി കുട്ടികളുടെ മാസികയുടേയും ആഭിമുഖ്യത്തിൽ...

15,000 രൂപ പ്രതിമാസ ഓണറേറിയം വേണം; ബെംഗളൂരുവിൽ ആശാ പ്രവർത്തകരുടെ സമരം ആറാം ദിവസത്തിലേക്ക്

ബെംഗളൂരു : പ്രതിമാസം 15,000 രൂപ സ്ഥിരം ഓണറേറിയം അനുവദിക്കണമെന്നതടക്കമുള്ള ആവശ്യങ്ങളുന്നയിച്ച്...

അഗസ്റ്റീനിയൻസ് പിതൃവേദി പൂണ്യാളൻസ് പ്രീമിയർ ലീഗ് സീസൺ-3: സെന്റ് തോമസ് ചർച്ച് ജാലഹള്ളി ജേതാക്കൾ

ബെംഗളൂരു: സെന്റ് അഗസ്റ്റിൻ ചർച്ച് മരിയനഹള്ളി അഗസ്റ്റീനിയൻസ് പിതൃവേദിയുടെ ആഭിമുഖ്യത്തിൽ സംഘടിപ്പിച്ച...

തമിഴ്‌നാട്ടിൽ നിയന്ത്രണംവിട്ട കാർ മരത്തിലിടിച്ച് അപകടം; എട്ട് പേർക്ക് ദാരുണാന്ത്യം

ചെന്നൈ: തമിഴ്‌നാട്ടിലെ തിരുച്ചിറപ്പള്ളി ജില്ലയിൽ നിയന്ത്രണംവിട്ട കാർ റോഡരികിലെ മരത്തിലിടിച്ചുണ്ടായ ദാരുണമായ...

വ്യാജ ഫെയർനെസ് ക്രീമുകൾ വിറ്റാൽ ലൈസൻസ് സ്ഥിരമായി റദ്ദാക്കും; പരസ്യം നൽകുന്ന വ്ലോഗർമാർക്കെതിരെയും കേസ്

കൊച്ചി: അംഗീകാരമില്ലാത്ത സൗന്ദര്യവർധക വസ്തുക്കളുടെയും പ്രോട്ടീൻ പൊടികളുടെയും വിൽപന തടയാൻ സംസ്ഥാനത്ത്...

കേരളത്തിലടക്കം രാജ്യത്ത് 32 വ്യാജ സർവകലാശാലകൾ; ജാഗ്രത നിർദേശിച്ച് യു.ജി.സി

ന്യൂഡല്‍ഹി: രാജ്യത്ത് 32 സർവകലാശാലകളെ വ്യാജ സർവകലാശാലകളുടെ പട്ടികയിൽ ഉൾപ്പെടുത്തിയതായി യൂണിവേഴ്‌സിറ്റി...

കേരളസമാജം ബെംഗളൂരു സൗത്ത് വെസ്റ്റ് ശിശുദിനാഘോഷം

ബെംഗളൂരു:  കേരളസമാജം ബെംഗളൂരു സൗത്ത് വെസ്റ്റ് ശിശുദിനം ആഘോഷിച്ചു. സമാജം വനിതാവിഭാഗം...

Related Articles

Popular Categories