ബെംഗളൂരു: കണ്ണൂർ സ്വദേശിയായ യുവാവിനെ ബെംഗളൂരുവിലെ താമസസ്ഥലത്ത് മരിച്ച നിലയിൽ കണ്ടെത്തി. പെരിങ്ങത്തൂർ പുല്ലൂക്കര ചാത്തു വൈദ്യർ നിലയം വീട്ടിൽ കെ.എം. സുഹാസ്- സീമ ദമ്പതികളുടെ മകൻ സ്വരൂപ് (27) ആണ് മരിച്ചത്.
രണ്ട് വർഷത്തോളമായി കോറമംഗലയിൽ പലചരക്ക് കടയിൽ ജോലിചെയ്തു വരികയായിരുന്നു സ്വരൂപ്. വെള്ളിയാഴ്ച രാവിലെ കട തുറന്ന ശേഷം താമസസ്ഥലത്തേക്ക് മടങ്ങിയ സ്വരൂപ് ഏറെ നേരം കഴിഞ്ഞും തിരികെ എത്താതിരുന്നതിനെത്തുടർന്ന് നടത്തിയ പരിശോധനയിലാണ് മരിച്ച നിലയിൽ കണ്ടെത്തിയത്. തുടർന്ന് പോലീസിനെ വിവരമറിയിക്കുകയായിരുന്നു.
സെന്‍റ് ജോൺസ് ആശുപത്രിയിലെ പോസ്റ്റ്‌മോർട്ടത്തിന് ശേഷം മൃതദേഹം നാട്ടിലേക്ക് കൊണ്ടുപോകും. ഓൾ ഇന്ത്യ കെ.എം.സി.സി ബംഗളൂരു പ്രവർത്തകരായ നാസർ എമിറേറ്റ്സ്, ഖാദർ സുപ്രിയ എന്നിവർ സ്ഥലത്തെത്തി നടപടിക്രമങ്ങൾക്ക് നേതൃത്വം നല്കി.
SUMMARY: A young Malayali man was found dead in Bengaluru.
