ബെംഗളൂരു: അയ്യപ്പ എജ്യുക്കേഷനൽ ആൻഡ് ചാരിറ്റബിൾ ട്രസ്റ്റിന് കീഴിൽ ജാലഹള്ളിയിൽ ആരംഭിച്ച ശ്രീ അയ്യപ്പ ആയുർവേദ ക്ലിനിക്കിന്റെ ഉദ്ഘാടനം എസ്.മുനിരാജു എംഎൽഎ, കർണാടക മെഡിക്കൽ എജ്യുക്കേഷൻ ഡയറക്ടർ ഡോ.ബി.എൽ.സുജാത റാത്തോഡ് എന്നിവർ ചേർന്ന് നിർവഹിച്ചു. ഡോ.മഞ്ജുനാഥ് മുഖ്യാതിഥിയായി. ട്രസ്റ്റ് പ്രസിഡന്റ് പി.കെ.വിജയനാഥൻ അധ്യക്ഷത വഹിച്ചു. സെക്രട്ടറി എം. ലോക്‌നാഥൻ സ്വാഗതം ആശംസിച്ചു.
പാരമ്പര്യ ചികിത്സയിലൂടെ സമഗ്ര ആരോഗ്യപരിപാലനം ഉറപ്പാക്കുകയാണ് ക്ലിനിക്കിന്റെ ലക്ഷ്യം. ജാലഹള്ളി ശ്രീ അയ്യപ്പൻ ടെംപിൾ ട്രസ്റ്റിന്റെ പ്രസിഡന്റ് ഡി.കെ. കൃഷ്ണകുമാർ, സെക്രട്ടറി വിശ്വനാഥൻ, ട്രഷറർ ജി.സി. വിജയൻ എന്നിവർ സംസാരിച്ചു. ജാലഹള്ളി ശ്രീ അയ്യപ്പൻ ടെംപിൾ ട്രസ്റ്റിമാരും ശ്രീ അയ്യപ്പ എജ്യുക്കേഷണൽ ആന്റ് ചാരിറ്റബിൾ ട്രസ്റ്റിമാരും ചടങ്ങിന് നേതൃത്വം വഹിച്ചു. ശ്രീ അയ്യപ്പ എജ്യുക്കേഷണൽ ചാരിറ്റബിൾ ട്രസ്റ്റ് ട്രഷറർ കെ. രവി കുമാർ നന്ദി പറഞ്ഞു.
