ന്യൂഡല്‍ഹി: സര്‍ക്കാര്‍ ജീവനക്കാരെ കരാര്‍ അടിസ്ഥാനത്തില്‍ നിയമിക്കണമെന്ന അഭിപ്രായവുമായി സുപ്രീംകോടതി ജഡ്ജി ജസ്റ്റിസ് ബി വി നാഗരത്ന. സര്‍ക്കാര്‍ ഉദ്യോഗസ്ഥര്‍ പ്രിവിലേജ്ഡ് വിഭാഗമാണ്. ജീവനക്കാര്‍ക്ക് ആജീവനാന്ത പെന്‍ഷന്‍ ലഭിക്കുന്നു. എന്നാല്‍ അതനുസരിച്ച് അവര്‍ ഉത്തരവാദിത്തം കാണിക്കുന്നില്ല. നിയമനം കരാര്‍ വ്യവസ്ഥയില്‍ ആയാലെ അവര്‍ക്ക് ഉത്തരവാദിത്തം ഉണ്ടാകൂ എന്ന് ജസ്റ്റിസ് നാഗരത്ന പറഞ്ഞു. സർക്കാർ ജീവനക്കാർക്ക് ക്ഷാമബത്ത (ഡിഎ) നൽകാത്തതുമായി ബന്ധപ്പെട്ട് പഞ്ചാബ് ചീഫ് സെക്രട്ടറിക്കെതിരെ നൽകിയ കേസിന്റെ വാദത്തിനിടയിലായിരുന്നു ജസ്റ്റിസ് നാഗരത്നയുടെ പരാമർശം.
‘ഇനിമുതൽ സർക്കാർ ജീവനക്കാരെ കരാർ അടിസ്ഥാനത്തിൽ മാത്രമേ നിയമിക്കാവൂ. എങ്കിൽ മാത്രമേ അവർക്ക് ഉത്തരവാദിത്വം ഉണ്ടാവുകയുള്ളൂ. ഒരു ദിവസം അവർ ടൈപ്പ് ചെയ്യുന്നത് വെറും മൂന്ന് പേജുകൾ മാത്രമാണ്, അവർക്ക് ജുഡീഷ്യൽ വകുപ്പിൽ ജോലി ചെയ്യാൻ താൽപ്പര്യമില്ല. ഹൈക്കോടതിയിലോ ജില്ലാ കോടതിയിലോ നിയമനം ലഭിച്ചാലും, അവരെല്ലാം സെക്രട്ടേറിയറ്റിലേക്ക് പോകാനാണ് ആഗ്രഹിക്കുന്നത്. അവിടെയാണെങ്കിൽ ഒരു ദിവസം ടൈപ്പ് ചെയ്യാനുള്ളത് വെറും മൂന്ന് പേജുകൾമാത്രം!’ ജസ്റ്റിസ് നാഗരത്ന പറഞ്ഞു.
സര്‍ക്കാര്‍ ഉദ്യോഗസ്ഥരില്‍ കഠിനാധ്വാനികളായവരും ഉണ്ടെന്നും എല്ലാവരെയും ഒരേ അളവുകോല്‍ വെച്ച് വിലയിരുത്താന്‍ പാടില്ലെന്നും മുതിര്‍ന്ന അഭിഭാഷകന്‍ ദേവദത്ത് കാമത്ത് ചൂണ്ടിക്കാട്ടി. സര്‍ക്കാര്‍ ഉദ്യോഗസ്ഥര്‍ അത്ര ആത്മാര്‍ത്ഥതയുള്ളവരായിരുന്നുവെങ്കില്‍ രാജ്യത്തെ വ്യവഹാരങ്ങളുടെ എണ്ണം കുറയുമായിരുന്നുവെന്ന് ജസ്റ്റിസ് നാഗരത്ന മറുപടി നല്‍കി. സര്‍ക്കാര്‍ ഒരു മാതൃകാ തൊഴിലുടമയായി പ്രവര്‍ത്തിക്കണം എന്നായിരുന്നു ഇതിന് ദേവദത്ത് കാമത്തിന്റെ പ്രതികരണം.
എല്ലായിടത്തും അനാവശ്യമായ ചുവപ്പു നാടയും അഴിമതിയും മാത്രമാണ്. സര്‍ക്കാര്‍ ഉദ്യോഗസ്ഥരുടെ ഉത്തരവാദിത്തം എവിടെയാണ്?. സര്‍ക്കാര്‍ ഉദ്യോഗസ്ഥരുടെ മരണശേഷം അവരുടെ കുടുംബങ്ങള്‍ക്ക് പെന്‍ഷന്‍ ലഭിക്കുന്നുണ്ട്. സൗജന്യ പദ്ധതികള്‍ പാര്‍ശ്വവല്‍ക്കരിക്കപ്പെട്ട വിഭാഗങ്ങള്‍ക്കുള്ളതാണെന്നും എന്നാല്‍ അവകാശവാദങ്ങള്‍ ഉന്നയിക്കുന്ന സര്‍ക്കാര്‍ ജീവനക്കാര്‍ പ്രത്യേക ആനുകൂല്യങ്ങള്‍ ലഭിക്കുന്ന വിഭാഗമാണെന്നും ജസ്റ്റിസ് നാഗരത്ന അഭിപ്രായപ്പെട്ടു. പഞ്ചാബ് സര്‍ക്കാരിനെതിരെ സംസ്ഥാന സര്‍ക്കാര്‍ ജീവനക്കാര്‍ നല്‍കിയ കേസ് ജസ്റ്റിസ് നാഗരത്‌നയുടെയും ജസ്റ്റിസ് ആര്‍ മഹാദേവന്റെയും ബെഞ്ചാണ് പരിഗണിച്ചത്. ചീഫ് സെക്രട്ടറിക്കെതിരായ കോടതിയലക്ഷ്യ നടപടികള്‍ സുപ്രീംകോടതി സ്റ്റേ ചെയ്തു.
നേരത്തെ കേസ് ഹൈക്കോടതിയിലെത്തിയപ്പോൾ ആവശ്യമായ പണം നൽകാൻ സർക്കാരിന്റെ കൈവശം മതിയായ ഫണ്ടില്ലെന്ന് സർക്കാർ വാദിച്ചിരുന്നു. ഈ ഘട്ടത്തിൽ സൗജന്യ പദ്ധതികൾക്കും മറ്റുമായി സർക്കാർ പണം ചെലവാക്കുന്നുണ്ടെന്ന് ഹൈക്കോടതി ചൂണ്ടിക്കാട്ടുകയുണ്ടായി. സുപ്രീംകോടതിയിൽ ഹൈക്കോടതിയുടെ ഈ വാദം സർക്കാർ ജീവനക്കാർ ഉന്നയിച്ചു. പഞ്ചാബിലെ വിവിധ പദ്ധതികളെയും സൗജന്യങ്ങളെയും ജീവനക്കാർ ചൂണ്ടിക്കാട്ടുകയും ചെയ്തു. ഈ സാഹചര്യത്തിലാണ് ജസ്റ്റിസ് നാഗരത്നയുടെ ഭാഗത്ത് നിന്ന് ഇത്തരത്തിലുള്ള പരാമർശമുണ്ടായത്. സൗജന്യ പദ്ധതികൾ പാർശ്വവൽക്കരിക്കപ്പെട്ട വിഭാഗങ്ങൾക്കുള്ളതാണെന്നും, എന്നാൽ അവകാശവാദങ്ങൾ ഉന്നയിക്കുന്ന സർക്കാർജീവനക്കാർ പ്രത്യേക ആനുകൂല്യങ്ങൾ ലഭിക്കുന്ന വിഭാഗമാണെന്നും ജസ്റ്റിസ് നാഗരത്ന അഭിപ്രായപ്പെട്ടു.
കഠിനാധ്വാനം ചെയ്യുന്ന സർക്കാർ ജീവനക്കാരുണ്ടെന്നും എല്ലാവരെയും ഒരേ അളവുകോലിൽ കാണാനാകില്ലെന്നും ജീവനക്കാർക്കുവേണ്ടി ഹാജരായ സീനിയർ അഭിഭാഷകൻ ദേവദത്ത് കാമത്ത് പറഞ്ഞു. സർക്കാർജീവനക്കാർ അത്രമാത്രം ആത്മാർത്ഥതയുള്ളവരാണെങ്കിൽ രാജ്യത്തെ കേസുകൾ കുറയുമായിരുന്നുവെന്ന് ജസ്റ്റിസ് നാഗരത്ന തിരിച്ചടിച്ചു. സർക്കാർ ഒരു മാതൃകാപരമായ തൊഴിൽദാതാവായി പ്രവർത്തിക്കണമെന്ന് കാമത്ത് മറുപടി നൽകി. ഇതോടെയാണ് ജസ്റ്റിസ് നാഗരത്ന സർക്കാർ ജീവനക്കാരുടെ ഉത്തരവാദിത്വത്തെ ചോദ്യം ചെയ്തത്. ‘എല്ലായിടത്തും ചുവപ്പുനാടയും കറുപ്പുനാടയും ആണ്. സർക്കാർ ജീവനക്കാരന്റെ ഉത്തരവാദിത്വം എവിടെയാണ്?’ എന്ന് ചോദിച്ച കോടതി ചീഫ് സെക്രട്ടറിക്കെതിരായ കോടതിയലക്ഷ്യ നടപടികൾ സ്റ്റേ ചെയ്യുകയുമുണ്ടായി.
SUMMARY: Government employees should be appointed only on a contractual basis; only then will there be accountability — Justice B.V. Nagarathna
