ബെംഗളൂരു: ബെംഗളൂരുവിൽ കനത്ത മഴ പെയ്തതോടെ മെട്രോ സർവീസ് തടസപ്പെട്ടു. എംജി റോഡിനും ട്രിനിറ്റി സർക്കിൾ സ്റ്റേഷനുകൾക്കുമിടയിൽ ട്രാക്കിലേക്ക് മരം വീണതോടെയാണ് ട്രെയിൻ സർവീസ് തടസപ്പെട്ടത്. എംജി റോഡിനും ഇന്ദിരാനഗറിനും ഇടയിലുള്ള ട്രെയിൻ ഗതാഗതം ഞായറാഴ്ച രാത്രി 7.26ഓടെ തടസപ്പെട്ടു.
നിലവിൽ, ഇന്ദിരാനഗറിനും വൈറ്റ്ഫീൽഡിനും ഇടയിലും ചള്ളഘട്ടയ്ക്കും എംജി റോഡിനുമിടയിൽ ഷോർട്ട് ലൂപ്പ് ട്രെയിൻ സർവീസുകൾ മാത്രമേ നടത്തുന്നുള്ളൂവെന്ന് ബിഎംആർസിഎൽ അറിയിച്ചു. എംജി റോഡിനും ഇന്ദിരാനഗറിനും ഇടയിൽ ട്രെയിൻ സർവീസ് എപ്പോൾ പുനരാരംഭിക്കുമെന്ന് ബിഎംആർസിഎൽ വ്യക്തമാക്കിയിട്ടില്ല.
ഞായറാഴ്ച വൈകുന്നേരം പെയ്ത ഇടിമിന്നലോട് കൂടിയ മഴയിൽ നിരവധി മരങ്ങൾ കടപുഴകി വീണു. റോഡുകളിൽ വെള്ളക്കെട്ടുകൾ രൂപപ്പെടുകയും, നിരവധിയിടങ്ങളിൽ വൈദ്യുതി മുടക്കവും റിപ്പോർട്ട് ചെയ്യപ്പെട്ടു.
TAGS: BENGALURU UPDATES, RAIN UPDATES
KEYWORDS: Metro service disrupted after tree falls on track
