ടി-20 ലോകകപ്പ് ഗ്രൂപ്പ് ബിയിൽ കരുത്തരായ ഇംഗ്ലണ്ടിനെ തകർത്തതോടെ ജയം ഓസ്ട്രേലിയക്കൊപ്പം. 36 റൺസിനാണ് ജയം. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഓസ്ട്രേലിയ നിശ്ചിത 20 ഓവറിൽ ഏഴ് വിക്കറ്റ് നഷ്ടത്തിൽ 201 റൺസെടുത്തു. മറുപടി ബാറ്റിങ്ങിനിറങ്ങിയ ഇംഗ്ലണ്ടിന് നിശ്ചിത ഓവറിൽ 165 റൺസെടുക്കാനേ സാധിച്ചുള്ളൂ.
ബാറ്റെടുത്തവരെല്ലാം ഭേദപ്പെട്ട പ്രകടനം നടത്തിയതോടെ ഓസീസ് മികച്ച സ്കോർ കണ്ടെത്തി. ഓപ്പണർമാരായ ട്രാവിസ് ഹെഡും ഡേവിഡ് വാർണറും ചേർന്ന് 70 റൺസിന്റെ കൂട്ടുകെട്ട് പടുത്തുയർത്തി. കമിൻസ് പൂജ്യത്തിന് റണ്ണൗട്ടായി പുറത്തായതൊഴിച്ചാൽ ബാക്കിയെല്ലാവരും മികച്ച ബാറ്റിങ് നടത്തി. ഇംഗ്ലണ്ടിനായി ക്രിസ് ജോർദാൻ രണ്ട്, മോയീൻ അലി, ജോഫ്ര ആർച്ചർ, ആദിൽ റാഷിദ്, ലാം ലിവിങ്സ്റ്റൺ എന്നിവർ ഓരോന്നും വിക്കറ്റുകൾ നേടി.
മറുപടി ബാറ്റിങ്ങിനിറങ്ങിയ ഇംഗ്ലണ്ട് മികച്ച രീതിയിൽത്തന്നെ തുടങ്ങിയെങ്കിലും ലക്ഷ്യത്തിലേക്കെത്താനായില്ല. ടീം സ്കോർ 73-ൽ നിൽക്കേ, ഫിൽ സാൾട്ട് ആദ്യം മടങ്ങി (23 പന്തിൽ 37). ക്യാപ്റ്റൻ ജോഷ് ബട്ലർ (28 പന്തിൽ 42), മോയീൻ അലി (15 പന്തിൽ 25), ഹാരി ബ്രൂക്ക് (16 പന്തിൽ 20), ലാം ലിവിങ്സ്റ്റൺ (12 പന്തിൽ 15), വിൽ ജാക്സ് (10) എന്നിവരും രണ്ടക്കം കടന്നു.
TAGS: SPORTS| WORLDCUP
SUMMARY: Australia beats england in twenty twenty world cup
WhatsApp
Telegram
