ബെംഗളൂരു: മദ്യലഹരിയിൽ യുവതികളെ ആക്രമിച്ച മൂന്ന് പേർ പിടിയിൽ. തലഘട്ടപുരയിലെ ആവലഹള്ളിയിൽ ഞായറാഴ്ച രാത്രിയോടെയാണ് സംഭവം. ബാലാജി, യോഗി, പ്രായപൂർത്തിയാകാത്ത ആൺകുട്ടി എന്നിവരാണ് പിടിയിലായത്.
റോഡിൽ നിന്ന് മാറി മദ്യപിക്കാൻ ആവശ്യപ്പെട്ടപ്പോഴാണ് ഇവർ യുവതികളെ മർദിച്ചത്. പൊതുസ്ഥലത്ത് വെച്ച് തങ്ങളെ മർദിക്കുകയും, മുടിക്കെട്ടിൽ പിടിച്ച് വലിക്കുകയും അസഭ്യം പറയുകയും ചെയ്തതായി യുവതികൾ പോലീസിൽ പരാതി നൽകിയിരുന്നു. ഇതിന്റെ അടിസ്ഥാനത്തിലാണ് അറസ്റ്റ്.
പ്രതികൾ സ്ഥിരം മദ്യപാനികളാണ്. പലപ്പോഴും റോഡരികിൽ വച്ചാണ് ഇവർ മദ്യപിക്കാറുണ്ടായിരുന്നത്. ഞായറാഴ്ച രാത്രി ഇതുവഴി വന്ന യുവതികൾ പൊതുസ്ഥലത്ത് മാറിയിരുന്ന് മദ്യപിക്കാൻ പ്രതികളോട് ആവശ്യപ്പെട്ടു.
എന്നാൽ മൂവരും യുവതികളോട് തർക്കിക്കുകയും പിന്നീട് ഇവരെ മർദ്ദിക്കുകയും ആയിരുന്നുവെന്ന് പോലീസ് പറഞ്ഞു. നാട്ടുകാർ ഇടപെട്ടാണ് യുവതികളെ രക്ഷിച്ചത്. ഇവർ സമീപത്തെ ആശുപത്രിയിൽ ചികിത്സ തേടി.
TAGS: BENGALURU UPDATES| ARREST
SUMMARY: Three arrested over assaulting women in public
