ബെംഗളൂരു: നവജാതശിശുവിനെ വീട്ടുമുറ്റത്ത് മരിച്ച നിലയിൽ കണ്ടെത്തി. വിജയപുരയിലെ ചാലൂക്യനഗറിൽ ശനിയാഴ്ച രാവിലെയാണ് സംഭവം. ജില്ലയിലെ രാമകൃഷ്ണ ഹോസ്പിറ്റലിന് തൊട്ടു പുറകിലുള്ള ബിജി എന്നയാളുടെ വീടിനു മുമ്പിലാണ് മൃതദേഹം കണ്ടെത്തിയത്.
പത്ത് ദിവസം മാത്രമുള്ള ആൺകുട്ടിയാണ് മരിച്ചത്. വീട്ടുടമസ്ഥയായ ബിജി ഉടൻ പോലീസിനെ വിവരമറിയിച്ചു. കുട്ടിയെ ആരാണ് വീട്ടുമുറ്റത്ത് ഉപേക്ഷിച്ചതെന്ന് തങ്ങൾക്കറിയില്ലെന്ന് ബിജി പോലീസിനോട് പറഞ്ഞു. പൊക്കിൾക്കൊടിയിൽ ആശുപത്രി ക്ലിപ്പും തലയിലും ദേഹത്തും കറുത്ത പാടുകളും കണ്ടെത്തി. ആദർശ് നഗർ പോലീസ് സംഭവസ്ഥലം സന്ദർശിച്ച് കേസെടുത്തു. സമീപത്തെ ആശുപത്രികൾ കേന്ദ്രീകരിച്ച് പോലീസ് അന്വേഷണം ആരംഭിച്ചിട്ടുണ്ട്.
TAGS: KARNATAKA| NEW BORN BABY| DEAD
SUMMARY: New born baby found dead infront of home
