ഹാട്രിക്കിന് അരികിൽ മനു ഭാക്കർ; ഇന്ത്യൻ ഷൂട്ടർ മൂന്നാം ഫൈനലിൽ

പാരിസ് ഒളിമ്പിക്സിൽ ഹാട്രിക് മെഡൽ എന്ന സ്വപ്നത്തിനരികിൽ ഷൂട്ടർ മനു ഭാക്കർ. വനിതകളുടെ 25 മീറ്റർ എയർ പിസ്റ്റൽ വിഭാ​ഗത്തിൽ താരം ഫൈനലിൽ പ്രവേശിച്ചു. യോ​ഗ്യതാ റൗണ്ടിൽ രണ്ടാം സ്ഥാനത്താണ് വെങ്കല മെഡൽ ജേതാവ് ഫിനിഷ് ചെയ്തത്. 590 പോയിൻ്റാണ് താരം നേടിയത്.ഇതേ ഇനത്തിൽ മത്സരിച്ച മറ്റൊരു ഇന്ത്യൻ താരം ഇഷാ സിം​ഗ് ഫൈനലിന് യോ​ഗ്യത നേടിയില്ല. 18-ാം സ്ഥാനവുമായി തൃപ്തിപ്പെടേണ്ടി വന്നു. 581 ആണ് പോയിന്റ്.

ഒരു ഒളിമ്പിക്സിൽ രണ്ടു മെഡലുകൾ സ്വന്തമാക്കുന്ന ആദ്യ ഇന്ത്യൻ താരമാണ് മനു ഭാക്കർ. മെഡൽ നേട്ടം മൂന്നാക്കി ഉയർത്തിയാൽ അത് ചരിത്ര നേട്ടമാകും. വനിതകളുടെ 10 എയർ പിസ്റ്റൾ വിഭാ​ഗത്തിൽ വെങ്കലം നേടിയ മനു മിക്സിഡ് ടീമിനത്തിലും മെഡൽ നേട്ടം ആവർത്തിച്ചിരുന്നു. നാളെയാണ് മനുവിന്റെ ഫൈനൽ.

ആർച്ചറിയിൽ മിക്സഡ് ടീം ഇനത്തിൽ ഇന്ത്യൻ താരങ്ങൾ ക്വാർട്ടറിൽ കടന്നു. അങ്കിത ഭഗത് – ധീരജ് ബൊമ്മദേവര സഖ്യമാണ് പ്രീക്വാർട്ടറിൽ ഇന്തോനേഷ്യൻ സഖ്യത്തെ 5–1 തോൽപിച്ച് മെഡൽ പ്രതീക്ഷ സജീവമാക്കിയത്.

TAGS: OLYMPICS | SHOOTING
SUMMARY: Manu Bhaker makes historic third final at Paris Olympics