ബെംഗളൂരു: മൈസൂരു അർബൻ ഡെവലപ്പ്മെന്റ് അതോറിറ്റി (മുഡ) ഭൂമി അഴിമതി കേസിൽ മുൻ കമ്മീഷണർമാരെ ചോദ്യം ചെയ്ത് എൻഫോഴ്‌സ്മെന്റ് ഡയറക്ടറേറ്റ് (ഇഡി). കേസുമായി ബന്ധപ്പെട്ട് മുഡ മുൻ കമ്മീഷണർമാരായ ഡി. ബി. നടേഷ്, ജി. ടി. ദിനേശ് കുമാർ എന്നിവരെയാണ് ഇഡി ചോദ്യം ചെയ്തത്. മുഡ കേസിൽ തിങ്കളാഴ്ച രാവിലെ ബെംഗളൂരുവിലെയും മൈസൂരുവിലെയും ഒമ്പത് സ്ഥലങ്ങൾ ഇഡി റെയ്ഡ് ചെയ്തിരുന്നു.
റെയ്ഡിനിടെ നിർണായക രേഖകൾ ഉദ്യോഗസ്ഥർ പിടിച്ചെടുത്തിരുന്നു. തുടർന്നാണ് മുൻ കമ്മീഷണർമാരെ ഇഡി ചോദ്യം ചെയ്തത്. മുഖ്യമന്ത്രിയുടെ അടുത്ത സഹായി രാകേഷ് പാപ്പണ്ണ, മഞ്ജുനാഥ് എന്ന ബിൽഡർ എന്നിവരുടെ വീടുകളിലും റെയ്ഡ് നടന്നിരുന്നു.
അടുത്തിടെ കേസുമായി ബന്ധപ്പെട്ട് എട്ട് മുഡ ഉദ്യോഗസ്ഥരെ ഇഡി ചോദ്യം ചെയ്തിരുന്നു. നേരത്തെ ഒക്ടോബർ 18ന് മൈസൂരുവിലെ മുഡ ഓഫീസിലും മറ്റ് ചില സ്ഥലങ്ങളിലും ഏജൻസി പരിശോധന നടത്തിയിരുന്നു. കേസിലെ നാലാം പ്രതി ഭൂവുടമ ജെ.ദേവരാജുവിൻ്റെ വീട്ടിലും സംഘം പരിശോധന നടത്തിയിരുന്നു.
TAGS: KARNATAKA | MUDA SCAM
SUMMARY: ED questions former MUDA commissioners
