തിരുവനന്തപുരം: ട്രെയിൻ യാത്രക്കിടെ കാണാതായെന്ന് കുടുംബം പരാതി നൽകിയ മജീഷ്യൻ മനു പൂജപ്പുരയെ കണ്ടെത്തി. തിരുവല്ല റെയിൽവേ സ്റ്റേഷനിൽ വെള്ളം വാങ്ങാൻ ഇറങ്ങിയപ്പോൾ ട്രെയിൻ പോയതിനാലാണ് ട്രെയിനിൽ കയറാൻ സാധിക്കാതിരുന്നതെന്ന് മനു വെളിപ്പെടുത്തി. ഫോൺ കയ്യിലില്ലാതിരുന്നതിനാൽ ആരെയും ബന്ധപ്പെടാൻ കഴിഞ്ഞില്ല. തിരുവല്ലയിൽ നിന്നും മനു തിരുവനന്തപുരത്തേക്ക് എത്തിയിട്ടുണ്ട്.
മാതാപിതാക്കളോടൊപ്പം യാത്ര ചെയ്യവെയാണ് മനുവിനെ നേരത്തെ കാണാതായത്. തിരുവനന്തപുരത്ത് നിന്നും ആന്ധ്രാപ്രദേശിലേക്ക് ഐലൻഡ് എക്സ്പ്രസിൽ യാത്ര ചെയ്യുകയായിരുന്നു മനുവും കുടുംബവും. മാവേലിക്കര റെയിൽവെ സ്റ്റേഷൻ കഴിഞ്ഞ ശേഷം മകനെ കാണാതായെന്നാണ് രക്ഷകർത്താക്കൾ പരാതി നൽകിയത്. കോട്ടയം റെയിൽവെ സ്റ്റേഷനിൽ ഇറങ്ങിയ അച്ഛനും അമ്മയും പരാതി നൽകുകയായിരുന്നു. മനുവിന്റെ ഫോണടക്കം ട്രെയിനിലായിരുന്നു. പരാതിയുടെ അടിസ്ഥാനത്തിൽ ആർപിഎഫും പോലീസും മനുവിനായി അന്വേഷണം തുടങ്ങിയിരുന്നു.
<BR>
TAGS : MISSING CASE
SUMMARY : The missing magician Manu Poojapura was found; when he went to buy water, he found out that the train had left
