ബെംഗളൂരു: ചിക്കമഗളൂരുവിൽ മലമുകളിലെ ക്ഷേത്രത്തിലേക്കുള്ള യാത്രക്കിടെ തീർത്ഥാടകര് കാൽ വഴുതി വീണുണ്ടായ അപകടത്തില് 10 പേർക്ക് പരുക്കേറ്റു. ചിക്കമഗളുരു മല്ലെനഹള്ളി ബിണ്ടിഗ മലയിലെ ദേവിരമ്മ ക്ഷേത്രത്തിലാണ് സംഭവം. നിരവധി പേര് മലമുകളിൽ കുടുങ്ങിക്കിടക്കുന്നുവെന്നാണ് വിവരം. മല നടന്ന് കയറിയവർ ചെളിയിൽ കാൽ വഴുതി വീഴുകയും തുടര്ന്നുണ്ടായ തിക്കിലും തിരക്കിലുമാണ് ആളുകള്ക്ക് പരുക്കേറ്റത്.
സമുദ്ര നിരപ്പില് നിന്ന് 3000 ത്തോളം അടി ഉയരത്തിലാണ് ക്ഷേത്രം സ്ഥിതിചെയ്യുന്നത്. നരക ചതുർദശി ദിവസമായ ഇന്ന് ആയിരക്കണക്കിന് പേരാണ് മല കയറാനെത്തിയത്. ദേവിരമ്മ മലയിലേക്ക് നേരത്തേ പ്രവേശിക്കാൻ വനംവകുപ്പിന്റെ പാസ്സും അനുമതിയും വേണമായിരുന്നു. ദീപാവലി ഉത്സവത്തിന്റെ ഭാഗമായി നിയന്ത്രണങ്ങളിൽ താൽക്കാലികമായി ഇളവ് വരുത്തിയിരുന്നു. ഇതോടെയാണ് മലയിലേക്ക് നിരവധി തീർത്ഥാടകരെത്തിയത്. തിരക്ക് നിയന്ത്രിക്കാൻ സ്ഥലത്തേക്ക് കൂടുതൽ പോലീസ് സേനയെ നിയോഗിച്ചിട്ടുണ്ട്. ഇന്നലെ ഈ മേഖലയിൽ കനത്ത മഴ പെയ്തിരുന്നു.
At least 10 devotees were reportedly injured, as thousands of devotees were throng to reach a temple on top of the #Deviramma Hill, in Bindiga village, #Mallenahalli , in Chikkamagaluru, for participate the Deepotsava from Oct 30 to 31.#NarakaChaturdashi… pic.twitter.com/vu8dAfO5qp
— Surya Reddy (@jsuryareddy) November 1, 2024
TAGS : CHIKKAMAGALURU NEWS
SUMMARY : Accident due to slip and fall while traveling to a temple on a hill in Chikkamagaluru; 12 people injured, many trapped on the hill
