കർണാടക ആർടിസി ബസും ബൈക്കും കൂട്ടിയിടിച്ച് മൂന്ന് മരണം

ബെംഗളൂരു: കർണാടക ആർടിസി ബസും ബൈക്കും കൂട്ടിയിടിച്ച് മൂന്ന് പേർ മരിച്ചു. ചൊവ്വാഴ്ച രാവിലെ ഉത്തര കന്നഡ ഹൊന്നാവർ താലൂക്കിലെ ശരാവതി പാലത്തിന് സമീപമാണ് അപകടമുണ്ടായത്. മാവിനകുർവ സ്വദേശി രാഘവേന്ദ്ര ഗൗഡ, ഖർവ നാഥഗേരി സ്വദേശി രമേഷ് രാമചന്ദ്ര നായിക്, സാംഷി സ്വദേശി ഗൗരിഷ് മഞ്ജുനാഥ് നായിക് എന്നിവരാണ് മരിച്ചത്.

മരിച്ച മൂന്ന് പേരും അവരുടെ കുടുംബങ്ങളുടെ ഏക ആശ്രയമായിരുന്നു. കാസറഗോഡ് നിന്ന് ഹൊന്നാവർ ഭാഗത്തേക്ക് പോവുകയായിരുന്ന ബൈക്കിലേക്ക് ഹൊന്നാവറിൽ നിന്ന് മംഗളൂരുവിലേക്ക് പോവുകയായിരുന്ന കെഎസ്ആർടിസി ബസ് ഇടിക്കുകയായിരുന്നു. ഇവരിൽ രണ്ടുപേർ സംഭവസ്ഥലത്തുവെച്ചും ഗൗരീഷ് നായിക് ആശുപത്രിയിൽ വച്ചുമാണ് മരിച്ചത്. ബസ് ഡ്രൈവറുടെ അമിത വേഗവും അശ്രദ്ധയുമാണ് അപകടത്തിന് കാരണമെന്ന് നാട്ടുകാർ പറഞ്ഞു. സംഭവത്തിൽ ഹൊന്നാവർ പോലീസ് കേസെടുത്തു.

TAGS: KARNATAKA | ACCIDENT
SUMMARY: Tragic road accident claims three young lives