മെൽബൺ: ഓസ്ട്രേലിയൻ ഓപ്പൺ ടെന്നിസ് പുരുഷ സിംഗിൾസിൽ തുടർച്ചയായ രണ്ടാംതവണയും കിരീടം ചൂടി ഇറ്റാലിയുടെ ലോക ഒന്നാം നമ്പർ താരം യാനിക് സിന്നർ. ലോക രണ്ടാം നമ്പർ താരം അലക്സാണ്ടർ സ്വരേവിനെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് സിന്നർ ചാമ്പ്യനായത്. സ്കോർ (6-3), 7-6(4), (6-3). സ്വരേവിന് ഒരു പഴുതും നൽകാതെയായിരുന്നു സിന്നറുടെ തുടർച്ചയായ രണ്ടാം കിരീടം.
താരത്തിന്റെ മൂന്നാം ഗ്രാൻഡ്സ്ലാം കിരീടമാണിത്. 21-ാം നൂറ്റാണ്ടിൽ തുടർച്ചയായി ഓസ്ട്രേലിയൻ ഓപ്പൺ കിരീടങ്ങൾ നേടിയ താരങ്ങളുടെ പട്ടികയിൽ ആന്ദ്രെ അഗാസി, റോജർ ഫെഡറർ, നൊവാക് ജോക്കോവിച്ച് എന്നിവർക്കൊപ്പമെത്താനും സിന്നർക്കായി. സ്വരേവിന് ഇത് മൂന്നാം ഗ്രാൻഡ്സ്ലാം ഫൈനൽ തോൽവിയാണ്. 2024-ൽ ഓസ്ട്രേലിയ ഓപ്പണും യുഎസ് ഓപ്പണിലും സിന്നർ വിന്നറായിരുന്നു. മൂന്ന് ഗ്രാൻഡ്സ്ലാം സ്വന്തമാക്കുന്ന ആദ്യ ഇറ്റാലിയൻ താരം കൂടിയാണ് യാനിക് സിന്നർ.
TAGS: SPORTS | TENNIS
SUMMARY: Yanik Sinner won title in Australian Open tennis
