തിരുവനന്തപുരം: എഡിഎം നവീൻ ബാബുവിൻ്റെ മരണത്തിൽ ലാൻഡ് റവന്യൂ ജോയിന്റ് കമ്മീഷണർ എ. ഗീതയുടെ റിപ്പോർട്ടിലെ വിശദാംശങ്ങൾ പുറത്ത്. പെട്രോൾ പമ്പ് അനുവദിക്കാൻ നവീൻ ബാബു കൈക്കൂലി വാങ്ങിയതിന് തെളിവില്ലെന്ന് റിപ്പോർട്ടിൽ പറയുന്നു.
കണ്ണൂര് ജില്ലാ പഞ്ചായത്ത് പ്രസിസന്റായിരുന്ന പി പി ദിവ്യ, നവീന് ബാബുവിന് എതിരെ ഉന്നയിച്ചത് തെളിവില്ലാത്ത ആരോപണമാണ്. നവീന് ബാബുവിന് നല്കിയ യാത്രയയപ്പ് യോഗത്തിലേക്ക് ദിവ്യ എത്തിയത് ആസൂത്രിതമായിട്ടാണെന്നും റിപ്പോര്ട്ട് കുറ്റപ്പെടുത്തുന്നു.
യാത്രയയപ്പ് യോഗത്തിനു മുന്പായി ദിവ്യ കലക്ടറെ ഫോണിലൂടെ ബന്ധപ്പെട്ടിരുന്നു. യോഗത്തിലേക്കു വരേണ്ടതില്ലെന്നാണു കലക്ടര് ദിവ്യയോടു പറഞ്ഞിരുന്നത്. എന്നാല് കലക്ടറുടെ അഭിപ്രായം മറികടന്നു യോഗത്തില് ദിവ്യ പങ്കെടുക്കുകയായിരുന്നു. നവീന് ബാബുവിനെതിരെ ആരോപണം ഉന്നയിക്കണമെന്ന് ആലോചിച്ച് ഉറപ്പിച്ചാണ് ദിവ്യ യോഗത്തിലേക്ക് എത്തിയതെന്നും റിപ്പോര്ട്ടിലുണ്ട്. തുടര്ന്ന് ഇത് വിഡിയോയില് ചിത്രീകരിക്കുകയും ചെയ്തു. ദിവ്യ ആവശ്യപ്പെട്ടിട്ടാണ് ദൃശ്യങ്ങൾ ചിത്രീകരിച്ചതെന്ന് കണ്ണൂർ വിഷൻ ചാനൽ പ്രവർത്തകർ മൊഴി നൽകിയിട്ടുണ്ട്. പരിപാടിയിലേക്ക് ക്ഷണിച്ചിട്ടില്ലെന്ന് കലക്ടറുടെ മൊഴിയിലുമുണ്ട്. നവീൻ ബാബുവിന്റെ മരണത്തിലേക്ക് നയിച്ച കാര്യങ്ങൾ കണ്ടെത്താൻ വിശദമായ പോലീസ് അന്വേഷണം വേണമെന്നും റിപ്പോർട്ടിൽ പറയുന്നു.
<BR>
TAGS : ADM NAVEEN BABU DEATH
SUMMARY : No evidence of Naveen Babu accepting bribe; Land Revenue Joint Commissioner’s report released
