ബെംഗളൂരു : കർണാടകത്തില് തെരുവുനായകളുടെ ആക്രമണത്തിൽ പത്തുവയസ്സുകാരൻ മരിച്ചു. ചിത്രദുര്ഗ മൊളകാൽമൂർ താലൂക്കിൽ രാംപുര ഗ്രാമത്തിലെ ചന്നമല്ലികാർജുന്റെ മകൻ മിഥുൻ ആണ് മരിച്ചത്. ബുധനാഴ്ച വൈകിട്ടാണ് സമബവം.
ട്യൂഷൻകഴിഞ്ഞ് വീട്ടിലേക്കുമടങ്ങുമ്പോള് തെരുവുനായക്കൂട്ടം ആക്രമിക്കുകയായിരുന്നു. തലയിലും മുഖത്തുമുൾപ്പെടെ കടിയേറ്റു. അതുവഴിവന്ന ഒരു ഓട്ടോ ഡ്രൈവറാണ് നായകളെ ഓടിച്ചത്. ഗുരുതരമായി പരുക്കേറ്റ കുട്ടിയെ രാംപുര ആശുപത്രിയിലും തുടർന്ന് ബല്ലാരി മെഡിക്കൽ കോളേജിലുമെത്തിച്ചെങ്കിലും ജീവൻ രക്ഷിക്കാനായില്ല. അരുണോദയാ സ്കൂളിൽ അഞ്ചാം ക്ലാസ് വിദ്യാർഥിയാണ് മിഥുൻ. സംഭവത്തില് രാംപുര പോലീസ് കേസെടുത്തു.
<br>
TAGS : STRAY DOG ATTACK
SUMMARY : Stray dog attack A ten-year-old boy died
