റെയില്വേ ട്രാക്കില് ഹെഡ്ഫോണ് വെച്ച് ഫോണ് കണ്ടിരുന്ന 20കാരനായ വിദ്യാര്ഥിയ്ക്ക് ദാരുണാന്ത്യം. മധ്യപ്രദേശിലെ ഭോപ്പാലിലാണ് സംഭവം. ബിബിഎ വിദ്യാര്ഥിയായ മന്രാജ് തോമറാണ് കൊല്ലപ്പെട്ടത്. റെയില്വേ ട്രാക്കില് മൊബൈല് ഫോണില് മുഴുകിയിരിക്കെ ട്രെയിന് വന്ന് ഇടിക്കുകയായിരുന്നുവെന്ന് പോലീസ് അറിയിച്ചു.
മൻരാജ് തോമറും സുഹൃത്തും റെയിൽവേ ട്രാക്കിൽ ഇരിക്കുകയായിരുന്നു. മൻരാജിന് എതിർ ദിശയിലായാണ് സുഹൃത്ത് ഇരുന്നത്. മൻരാജ് തോമർ മൊബൈലിൽ എന്തോ കണ്ടുകൊണ്ടിരിക്കെയാണ് അപകടമുണ്ടായത്. മൻരാജ് തോമർ ഹെഡ്ഫോൺ വെച്ച് ഫോണിൽ എന്തോ സ്ക്രോൾ ചെയ്യുകയായിരുന്നുവെന്നും അതിനാൽ ട്രെയിൻ വരുന്ന ശബ്ദം കേൾക്കാൻ സാധിച്ചില്ലെന്നും പോലീസ് പറഞ്ഞു.
ട്രെയിൻ തട്ടിയതിന് പിന്നാലെ മൻരാജ് തോമർ സംഭവ സ്ഥലത്ത് വെച്ച് തന്നെ മരിച്ചു. മൻരാജ് തോമർ മാതാപിതാക്കളുടെ ഏക മകനാണെന്നും പോസ്റ്റ്മോർട്ടത്തിന് ശേഷം മൃതദേഹം മാതാപിതാക്കൾക്ക് വിട്ടുകൊടുത്തതായും പോലീസ് അറിയിച്ചു. ബോഡി ബിൽഡിംഗും റീൽ നിർമ്മിക്കുന്നതും മൻരാജിന് ഇഷ്ടമായിരുന്നു എന്നാണ് വിവരം.
<BR>
TAGS : ACCIDENT | BHOPAL
SUMMARY : Student met a tragic end after being hit by a train
WhatsApp
Telegram
