വാഹനത്തിന് വഴി നൽകിയില്ലെന്ന് ആരോപണം; ബിഎംടിസി ബസ് ഡ്രൈവറെ ആക്രമിച്ച് ബൈക്ക് യാത്രക്കാരൻ

ബെംഗളൂരു: വാഹനത്തിന് വഴി നൽകിയില്ലെന്ന് ആരോപിച്ച് ബിഎംടിസി ബസ് ഡ്രൈവറെ ബൈക്ക് യാത്രക്കാരൻ ആക്രമിച്ചു. ജെസി റോഡിലാണ് സംഭവം. മജസ്റ്റിക്-സികെ പാളയ റൂട്ടിൽ ബസ് ഓടിച്ചിരുന്ന ഡ്രൈവർ കുശാൽ കുമാർ ആണ് ആക്രമണത്തിനിരയായത്. സംഭവത്തിൽ മുഹമ്മദ് ഫൈസൽ എന്നയാൾക്കെതിരെ ഹലസുരു ഗേറ്റ് പോലീസ് കേസെടുത്തു.

ബസ് യാത്രക്കാരെ കയറ്റാനായി നിർത്തിയപ്പോൾ ഫൈസൽ ബസിലേക്ക് കയറി കുശാലിനെ ആക്രമിക്കുകയായിരുന്നു. തന്റെ ബൈക്കിന് വഴി നൽകിയില്ലെന്നായിരുന്നു ഫൈസലിന്റെ ആരോപണം. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. ഒക്‌ടോബർ ഒന്നിന് ശേഷം ബിഎംടിസി ജീവനക്കാർക്കെതിരെ റിപ്പോർട്ട് ചെയ്യപ്പെടുന്ന ആറാമത്തെ ആക്രമണമാണിത്.

TAGS: BENGALURU | BMTC
SUMMARY: BMTC driver attacked by bike passenger