ബെംഗളൂരു: സാമ്പത്തിക തർക്കത്തെ തുടർന്ന് യുവാവിനെ തൂണിൽ കെട്ടിയിട്ട് മർദിച്ചു. മാണ്ഡ്യ നാഗമംഗല താലൂക്കിലെ ജി ബൊമ്മനഹള്ളി ഗ്രാമത്തിലാണ് സംഭവം. ജില്ലയിൽ നിന്നുള്ള നാഗേഷ് (34) ആണ് ആക്രമണത്തിന് ഇരയായത്. സാമ്പത്തിക കാര്യങ്ങളുമായി ബന്ധപ്പെട്ട് നാഗേഷും, അയൽക്കാരനായ ചാലുവേഷും തമ്മിൽ തർക്കമുണ്ടായിരുന്നു. ഇതേതുടർന്ന് നാഗേഷ്, ചാലുവേഷിനെ കത്തികാട്ടി ഭീഷണിപ്പെടുത്തി.
ഇതോടെ ചാലുവേശും ചില സുഹൃത്തുക്കളും നാഗേഷിനെ തൂണിൽ കെട്ടിയിട്ട് മർദിക്കുകയായിരുന്നു. നാഗേഷിന്റെ കൈകളും കാലുകളും തൂണിൽ കെട്ടിയിട്ടായിരുന്നു മർദനം. സംഭവത്തിന് പിന്നാലെ നാഗേഷിന്റെ ഭാര്യ നാഗമംഗല റൂറൽ പോലീസ് സ്റ്റേഷനിൽ പരാതി നൽകി. ചാലുവേഷും സുഹൃത്തുക്കളും ഒളിവിലാണെന്നും ഇവർക്കെതിരെ അന്വേഷണം ആരംഭിച്ചതായും പോലീസ് പറഞ്ഞു.
TAGS: KARNATAKA | ATTACK
SUMMARY: Man tied to pole, thrashed over financial dispute in Mandya
