ബെംഗളൂരു: കോൺഗ്രസ് എംഎൽഎമാരുമായി നടത്തിയ ചർച്ചകൾക്കു പിന്നാലെ മന്ത്രിമാരുമായി കൂടിക്കാഴ്ചകൾ ആരംഭിച്ച് എഐസിസി ജനറൽ സെക്രട്ടറി രൺദീപ് സിങ് സുർജേവാല. തിങ്കളാഴ്ച മന്ത്രിമാരായ സമീർ അഹമ്മദ് ഖാൻ, ബൈരതി സുരേഷ്, മധു ബങ്കാരപ്പ എന്നിവരുമായി സുർജേവാല ചർച്ച നടത്തി. ഇന്നും നാളെയുമായി മറ്റു മന്ത്രിമാരെയും സുർജേവാല കാണും.
ഫണ്ട് അനുവദിക്കുന്നതുമായി ബന്ധപ്പെട്ട് എംഎൽഎമാർ പങ്കുവച്ച ആശങ്കകൾ മന്ത്രിമാരെ സുർജേവാല അറിയിച്ചെന്നാണ് സൂചന.
നേരത്തേ മന്ത്രിമാരുടെ പ്രകടനം വിലയിരുത്തുമെന്ന് എഐസിസി പ്രഖ്യാപിച്ചിരുന്നു. ഇതിന്റെ ഭാഗമായാണ് കൂടിക്കാഴ്ച. മന്ത്രിസഭയിൽ മാറ്റം ഉണ്ടാകുമോയെന്നത് ഉൾപ്പെടെ ഇതിന്റെ അടിസ്ഥാനത്തിലാകും തീരുമാനിക്കുക.
SUMMARY: AICC general secretary Randeep Surjewala begins meetings with Congress ministers.
