കനത്ത മഴ; ദക്ഷിണ കന്നഡ ജില്ലയില്‍ വ്യാപക നാശനഷ്ടം, മംഗളൂരു-ബെംഗളൂരു ദേശീയപാതയില്‍ ഗതാഗതം തടസപ്പെട്ടു 

ബെംഗളൂരു: കര്‍ണാടകയുടെ തീരദേശ മലയോര ജില്ലകളില്‍ കനത്ത നാശം വിതച്ച് മഴ. ബുധനാഴ്ച രാവിലെ തുടങ്ങിയ മഴ ഇപ്പോഴും തുടരുകയാണ് കുടക്, ദക്ഷിണ കന്നഡ, ചിക്കമഗളൂരു ജില്ലകളിലാണ് കനത്തമഴ നാശം വിതച്ചത്. മണ്ണിടിഞ്ഞും മരംവീണും വിവിധഭാഗങ്ങളിൽ വ്യാപകനാശമാണ് റിപ്പോര്‍ട്ട് ചെയ്യപ്പെട്ടത്.  മംഗളൂരുവിലും ദക്ഷിണ കന്നഡ ജില്ലയുടെ മറ്റ് ഭാഗങ്ങളിലും മഴ ഏറെ നാശനഷ്ടങ്ങൾ വിതച്ചു. റോഡുകളും താഴ്ന്ന പ്രദേശങ്ങളും വെള്ളത്തിൽ മുങ്ങി,

മംഗളൂരു-ബെംഗളൂരു ദേശീയപാത 75-ൽ കടബ താലൂക്കിലെ കൗക്രാഡി ഗ്രാമത്തിലെ മന്നഗുണ്ടിയിൽ വ്യാഴാഴ്ച രാവിലെ ഉണ്ടായ ഉരുൾപൊട്ടലിനെ തുടർന്ന് ഏതാനും മണിക്കൂറുകളോളം ഗതാഗതം പൂർണമായും നിലച്ചു. ബുധനാഴ്ച രാത്രി മുതൽ മണ്ണ് ഒരു വശത്തേക്ക് ഇടിഞ്ഞ് ഗതാഗതം തടസ്സപ്പെടാൻ തുടങ്ങിയിരുന്നു, വ്യാഴാഴ്ച രാവിലെയോടെ റോഡ് പൂർണമായും തടസ്സപ്പെട്ടു. മണ്ണും മരങ്ങളും നീക്കം ചെയ്ത് റൂട്ടിൽ ഗതാഗതം ഭാഗികമായി പുനസ്ഥാപിച്ചു. സുബ്രഹ്മണ്യ -കഡബ സംസ്ഥാന പാതയിൽ ഓടിക്കൊണ്ടിരുന്ന കാറിന് മുകളിൽ വൻമരം കടപുഴകി വീണു. കാറിലുണ്ടായിരുന്നവർ അദ്‌ഭുതകരമായി രക്ഷപ്പെട്ടു. മരം വീണ് മണിക്കൂറുകളോളമാണ് ഗതാഗതം തടസ്സപ്പെട്ടത്.

മംഗളൂരുവിലെ സർക്യൂട്ട് ഹൗസിന് സമീപം മറ്റൊരു ഉരുൾപൊട്ടലും റിപ്പോർട്ട് ചെയ്യപ്പെട്ടു, ഇത് ദേശീയപാത 66-നെ കർണാടക സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ ബസ് സ്റ്റാൻഡുമായി ബന്ധിപ്പിക്കുന്ന ബേജൈയിലെ റോഡിന്റെഒരു ഭാഗത്തെ സര്‍വീസ് തടസ്സപ്പെട്ടു.
SUMMARY: Heavy rains; Extensive damage in Dakshina Kannada district, traffic disrupted on Mangalore-Bengaluru National Highway