ബെംഗളൂരു: എസ്.എസ്.എഫ് ബെഗൂർ യൂണിറ്റിന്റെ നേതൃത്വത്തിൽ സാഹിത്യോത്സവ് സംഘടിപ്പിച്ചു. “We Script the Era” എന്ന പ്രമേയത്തിൽ ബേഗൂർ, ഇത്ഖാൻ മോറൽ അക്കാഡമിയിൽ നടന്ന പരിപാടി എസ്.എസ്.എഫ് ബെംഗളൂരു ജില്ലാ സെക്രട്ടറി അബ്ദുൽ വാജിദ് അംജദി ഉദ്ഘാടനം ചെയ്തു. ജനറൽ സെക്രട്ടറി ഷാക്കിർ ചെമ്പിരിക്ക സ്വാഗത പ്രസംഗം നടത്തി. യൂണിറ്റ് പ്രസിഡന്റ് ഫാറൂഖ് അധ്യക്ഷത വഹിച്ചു. ഷംസുദ്ദീൻ, ഷരീഫ്, ഖസീബ് മർസൂഖി എന്നിവർ സംസാരിച്ചു. വിവിധ മത്സരങ്ങളിൽ പങ്കെടുത്ത വിജയികൾക്ക് സമ്മാനങ്ങളും സർട്ടിഫിക്കറ്റുകളും വിതരണം ചെയ്തു.
