കനത്ത മഴയ്ക്ക് സാധ്യത; കർണാടകയിലെ എട്ട് ജില്ലകളിൽ നാളെ യെല്ലോ അലര്‍ട്ട്, ബെംഗളൂരുവിൽ 22 വരെ വ്യാപകമായ മഴ

ബെംഗളൂരു: കർണാടകയിലെ എട്ട് ജില്ലകളിൽ നാളെ ഇന്ത്യൻ കാലാവസ്ഥാ വകുപ്പ് (ഐഎംഡി) യെല്ലോ അലർട്ട് പ്രഖ്യാപിച്ചു. ഉഡുപ്പി, ഉത്തര കന്നഡ, ബാഗൽകോട്ട്, ബെലഗാവി, വിജയപുര, ചിക്കബല്ലാപ്പൂർ, കോലാർ, തുമകുരു എന്നീ ജില്ലകളിലാണ് യെല്ലോ അലേർട്ട് പ്രഖ്യാപിച്ചിരിക്കുന്നത്. ഈ ജില്ലകളില്‍ മിതമായതോ കനത്തതോ ആയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. സെപ്റ്റംബർ 22 വരെ ബെംഗളൂരുവിൽ വ്യാപകമായ മഴ ലഭിക്കുമെന്ന് ഐഎംഡി ശാസ്ത്രജ്ഞൻ സി.എസ്. പാട്ടീൽ പറഞ്ഞു.

കർണാടകയുടെ തെക്കൻ ഉൾപ്രദേശങ്ങളിൽ 5.8 കിലോമീറ്റർ ഉയരത്തിലുള്ള ന്യൂനമർദവും തെലങ്കാന, മഹാരാഷ്ട്ര എന്നീ തെക്കൻ പ്രദേശങ്ങളിൽ 3.1 കിലോമീറ്റർ ഉയരത്തിലുള്ള ന്യൂനമർദവും കാലാവസ്ഥയെ സ്വാധീനിക്കുന്നുണ്ടെന്നും ഇതേതുടര്‍ന്നു സെപ്റ്റംബർ 22 വരെ തീരദേശ ജില്ലകളിലും വ്യാപകമായ മഴ ലഭിക്കാൻ സാധ്യതയുണ്ടെന്നും മുന്നറിയിപ്പില്‍ പറയുന്നു.
SUMMARY: Heavy rain likely; Yellow alert in eight districts of Karnataka tomorrow, widespread rain in Bengaluru till 22nd