ബെംഗളൂരു: കാറിനു തീപ്പിടിച്ച് ലോകായുക്ത ഇൻസ്പെക്ടർ വെന്തുമരിച്ചു. ഹവേരി ലോകായുക്തയിലെ ഇൻസ്പെക്ടർ പഞ്ചാക്ഷരയ്യ ഹിരേമത്ത് (45) ആണ് മരിച്ചത്. ധാർവാഡ് അന്നിഗേരി താലൂക്കിലെ ഭദ്രാപൂരിനടുത്തുള്ള അരേര പാലത്തിന് സമീപത്ത് വെള്ളിയാഴ്ച രാത്രിയാണ് അപകടമുണ്ടായത്.
ഒരു വിവാഹചടങ്ങില് പങ്കെടുത്ത ശേഷം ഗദഗിലേക്ക് പോകുമ്പോഴായിരുന്നു അപകടം. നിയന്ത്രണം വിട്ട കാര് പാലത്തിന് സമീപമുള്ള ഒരു കുഴിയിലേക്ക് ഇടിച്ചുകയറുകയും ഇടിയുടെ ആഘാതത്തിൽ ഡീസൽ ടാങ്ക് തകർന്ന് കാറിന് തീപിടിക്കുകയുമായിരുന്നു. പ്രദേശവാസികൾ രക്ഷാപ്രവർത്തനത്തിനായി ഓടിയെത്തിയെങ്കിലും കാര് പൂര്ണമായും തീ വിഴുങ്ങിയതിനാൽ അദ്ദേഹത്തെ രക്ഷിക്കാനായില്ല. തുടർന്ന്, അഗ്നിശമന സേനാംഗങ്ങൾ എത്തിയാണ് തീ അണച്ചത്.
ബെലഗാവി ബൈൽഹോംഗൽ മുറഗോഡ് സ്വദേശിയാണ് പഞ്ചാക്ഷരയ്യ ഹിരേമത്ത്. ഹവേരി ലോകായുക്തയിലേക്ക് സ്ഥലംമാറ്റം ലഭിക്കുന്നതിന് മുമ്പ് ഹുബ്ബള്ളിയിലും ഗദഗിലും ഹിരേമത്ത് സേവനമനുഷ്ഠിച്ചിട്ടുണ്ട്.
SUMMARY: Lokayukta police officer dies after car catches fire
