ബെംഗളൂരു: കുന്ദലഹള്ളി കേരളസമാജം നടത്തിയ കവിതാരചന മത്സരത്തിലെ വിജയികള്ക്കുള്ള സമ്മാനം വിതരണവും കവിതകളെക്കുറിച്ചുള്ള ‘കാവ്യസന്ധ്യ’ പരിപാടിയും സമാജം ഓഫീസില് നടന്നു. സംഘടിപ്പിച്ചു. എഴുത്തുകാരായ സിന്ധു ഗാഥ, രമ പ്രസന്ന പിഷാരടി, ശ്രീലക്ഷ്മി എം എസ്, വിന്നി ഗംഗാധരന് എന്നിവര് പുരസ്കാരങ്ങള് സ്വീകരിച്ചു. സമ്മാനര്ഹരായ എല്ലാവരും തങ്ങളുടെ കവിതകള് അവതരിപ്പിക്കുകയും കവിതയെ കുറിച്ച് സംവദിക്കുകയും ചെയ്തു.
കവിതാമത്സരത്തിന് തുടക്കമിട്ട സമാജത്തിന്റെ സ്ഥാപക പ്രസിഡന്റായിരുന്ന കെ വി ജി നമ്പ്യാരുടെ ഭാര്യയും നിലവിലെ വൈസ് പ്രസിഡന്റുമായ ശാന്ത എന് കെ യെ രമ പിഷാരടി അഭിനന്ദിച്ചു. പ്രവര്ത്തകസമിതി അംഗമായ ശ്രീ മധു രാഘവന് സ്വാഗതവും സെക്രട്ടറി അജിത് കോടോത്ത് മുഖ്യപ്രഭാഷണവും നടത്തി. ശാന്ത എന് കെ, രാജേഷ് കരിമ്പില്, മധു രാഘവന് എന്നിവര് കവിതകള് ആലപിച്ചു. മഹേഷ് മേനോന് പരിപാടി നിയന്ത്രിച്ചു. പ്രവര്ത്തകസമിതി അംഗം നാരായണദാസ് നന്ദി പറഞ്ഞു.
SUMMARY: Kundalhalli keralasamajam kavyasandhya
