ബെംഗളൂരു: രേണുകസ്വാമി കൊലക്കേസിൽ അറസ്റ്റിലായി ജാമ്യത്തിലിറങ്ങിയ നടൻ ദർശൻ തോഗുദീപയെ ആശുപത്രിയിൽ പ്രവേശിപ്പിച്ചു. കടുത്ത നടുവേദനയെ തുടർന്നാണ് നടനെ കെംഗേരിയിലെ ബിജിഎസ് ആശുപത്രിയിൽ പ്രവേശിപ്പിച്ചത്.
ആരോഗ്യ പ്രശ്നങ്ങൾ ചൂണ്ടിക്കാട്ടിയാണ് നടന് കഴിഞ്ഞ ദിവസം കർണാടക ഹൈക്കോടതി ജാമ്യം അനുവദിച്ചിരുന്നത്. നിലവിൽ ദർശന് താമസിക്കാൻ ആശുപത്രിയിൽ തന്നെ സ്യൂട്ട് റൂം അനുവദിച്ചിട്ടുണ്ട്.
മുമ്പ് സിനിമാ സെറ്റിലെ കുതിരസവാരി സീനിനിടെ പരുക്കേറ്റ് ദർശന്റെ നടുവിന് ശസ്ത്രക്രിയ നടന്നിരുന്നു. ഇതേതുടർന്ന് നടന് ഇടയ്ക്കിടെ നടുവേദന വരാറുണ്ടായിരുന്നു. കൊലക്കേസിൽ അറസ്റ്റിലായ ശേഷം കഴിഞ്ഞ ഏതാനും മാസങ്ങളായി നടൻ ബെള്ളാരി ജയിലിൽ കഴിയുകയായിരുന്നു. ഇതേതുടർന്നാണ് നടന് ആരോഗ്യപ്രശ്നങ്ങൾ ഉണ്ടായതെന്ന് നടന്റെ അഭിഭാഷകൻ പറഞ്ഞു.
നടന്റെ ആരാധകർ ആശുപത്രിക്ക് സമീപം തടിച്ചുകൂടിയതിനാൽ, പ്രദേശത്ത് കെഎസ്ആർപി യൂണിറ്റിനെയും 50 ലധികം പോലീസുകാരെയും വിന്യസിച്ചിട്ടുണ്ട്.
TAGS: KARNATAKA | DARSHAN THOOGUDEEPA
SUMMARY: Actor Darshan thogudeepa hospitalised
