തിരുവനന്തപുരം: പിഎസ്‌സി ആസൂത്രണ ബോർഡ് നിയമനത്തട്ടിപ്പില്‍ പരീക്ഷാ വിഭാഗത്തിന്റെ ചുമതലയുണ്ടായിരുന്ന ഉദ്യോഗസ്ഥൻ പി സതീഷ് അറസ്റ്റില്‍. പിഎസ്‌സി മുൻ ഡെപ്യൂട്ടി സെക്രട്ടറിയാണ് പി സതീഷ്. കോടതി വിമർശനത്തെത്തുടർന്ന് പി സതീഷിനെയും പരീക്ഷാ വിഭാഗം അഡീഷണല്‍ സെക്രട്ടറി ആർ ഹരിയെയും കേസില്‍ ക്രൈംബ്രാ‌ഞ്ച് പ്രത്യേക അന്വേഷണ സംഘം പ്രതിചേർത്തിരുന്നു. പിന്നാലെയാണ് സതീഷിനെ അറസ്റ്റ് ചെയ്‌തത്.
കേസില്‍ പ്രതിചേർക്കപ്പെട്ടതോടെ മാസങ്ങള്‍ക്ക് മുമ്പ് സർവീസില്‍ നിന്ന് വിരമിച്ച പി സതീഷിന്റെ പെൻഷൻ ഉള്‍പ്പെടെയുള്ള ആനുകൂല്യങ്ങള്‍ തടഞ്ഞുവയ്‌ക്കാൻ പിഎസ്‌സി തീരുമാനിച്ചിരുന്നു. ഹരിയെ സർവീസില്‍ നിന്ന് സസ്‌പെൻഡ് ചെയ്യുകയും ചെയ്‌തു. ഈ രണ്ട് ഉദ്യോഗസ്ഥർക്കുമാണ് പരീക്ഷാ വിഭാഗത്തില്‍ മൂല്യനിർണയത്തിന്റെ ചുമതലയുണ്ടായിരുന്നത്.
SUMMARY: PSC exam irregularities; former Deputy Secretary arrested
