കൊല്ലം: സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് ഒരു മരണം. കുളത്തൂപ്പുഴ ചന്ദനക്കാവ് വടക്കേ ചെറുകര സ്വദേശിനി ചന്ദ്രിക (60) ആണ് മരിച്ചത്. രോഗ ലക്ഷണങ്ങള് ഗുരുതരമായതിന് തുടർന്ന് തിരുവനന്തപുരം മെഡിക്കല് കോളേജില് എത്തിക്കുകയും മെഡിസിൻ ഐസിയുവില് ചികിത്സയിലുമായിരുന്നു.
ഇവർക്ക് രോഗം സ്ഥിരീകരിച്ചതോടെ ആരോഗ്യവകുപ്പ് ജാഗ്രതാ നിർദേശവും പ്രതിരോധപ്രവർത്തനങ്ങളും ശക്തമാക്കിയിരുന്നു, പ്രദേശത്തെ മുഴുവൻ കിണറുകളിലും കുടിവെള്ള സ്രോതസുകളിലും ക്ലോറിനേഷൻ നടത്തും. തിളപ്പിച്ചാറിയ ശുദ്ധജലം മാത്രമേ കുടിക്കാൻ ഉപയോഗിക്കാവൂ എന്നും ആരോഗ്യവകുപ്പ് നിർദേശിച്ചു. രോഗബാധ സംബന്ധിച്ച മുന്നറിയിപ്പും ആരോഗ്യപ്രവർത്തകർ നല്കുന്നുണ്ട്.
SUMMARY: Amebic encephalitis; 60-year-old woman dies while undergoing treatment
