കോഴിക്കോട്: ലഹരി ഇടപാട് നടത്തുന്നുണ്ടെന്ന രഹസ്യ വിവരത്തെ തുടർന്ന് പരിശോധനയ്ക്കെത്തിയ പോലീസിനെ ആക്രമിച്ച യുവാവ് പിടിയില്. പതിമംഗലം സ്വദേശി പി കെ ബുജൈറിനെയാണ് കുന്ദമംഗലം പോലീസ് കസ്റ്റഡിയിലെടുത്തത്. യൂത്ത് ലീഗ് സംസ്ഥാന ജനറല് സെക്രട്ടറി പി.കെ. ഫിറോസിന്റെ സഹോദരനാണ് ബുജൈര്.
ആക്രമണത്തില് കുന്ദമംഗലം പോലീസ് സ്റ്റേഷനിലെ സിവില് പോലീസ് ഓഫീസർ ശ്രീജിത്തിന് പരുക്കേറ്റു. ലഹരി ഇടപാട് നടത്തുന്നുണ്ടെന്ന് രഹസ്യ വിവരത്തെ തുടർന്ന് ബസ് കാത്തിരിപ്പ് കേന്ദ്രത്തില് ചോദ്യം ചെയ്യുന്നതിനിടെയാണ് ബുജൈര് പോലീസിനെ ആക്രമിച്ചത്. വാഹനം പരിശോധിക്കാന് ശ്രമിക്കുന്നതിനിടെ ബുജൈര് പ്രകോപിതനാവുകയും പോലീസുകാരന്റെ മുഖത്തടിക്കുകയായിരുന്നു.
സര്ക്കാര് ഉദ്യോഗസ്ഥരുടെ ജോലി തടസപ്പെടുത്തിയ കേസിലാണ് നിലവില് ഇയാളെ അറസ്റ്റ് ചെയ്തിരിക്കുന്നത്. ബുജൈറില് നിന്ന് ലഹരി മരുന്ന് ഉപയോഗിക്കാനുള്ള ഉപകരണങ്ങള് കണ്ടെത്തിയതായി പോലീസ് പറഞ്ഞു.
SUMMARY: Attack on police: PK Feroz’s brother arrested
