ബെംഗളൂരു: നാല ക്രോസിന് സമീപം പഴയ കൽക്കട്ട് പൊളിച്ച് പുതിയ ആർസിസി കൽക്കട്ട് നിർമ്മിക്കുന്നതിനാൽ തിങ്കളാഴ്ച മുതൽ 60 ദിവസത്തേക്ക് കാമരാജ് റോഡ് അടച്ചിടും. ഇതേ തുടര്ന്നു വിഠോബ ടെംപിൾ– നള റോഡ്, കെആർ റോഡ്–കബൺ റോഡ് ജംക്ഷൻ, ഡിക്കിൻസൺ ജംക്ഷൻ–കാമരാജ് ജംക്ഷൻ എന്നിവിടങ്ങളിലേക്കുള്ള വാഹന പ്രവേശനം നിരോധിച്ചതായി ട്രാഫിക് പോലീസ് അറിയിച്ചു.
ബദല് റൂട്ടുകള്: കൊമേഴ്സ്യൽ സ്ട്രീറ്റ് ഭാഗത്തുനിന്ന് പുലകേശിനഗർ, ബാനസവാടി ഭാഗത്തേക്ക് പോകുന്ന വാഹനങ്ങൾ വിഠോബ ക്ഷേത്രത്തിന് സമീപം വലത്തേക്ക് തിരിഞ്ഞ് വീരപിള്ളൈ തെരുവ് വഴി നാഗമ്മ ക്ഷേത്രത്തിന് സമീപം ഇടത്തേക്ക് തിരിഞ്ഞ് സെന്റ് ജോൺസ് റോഡിലൂടെ യാത്ര തുടരണമെന്നും കബ്ബൺ റോഡ് ഭാഗത്തുനിന്ന് വരുന്ന വാഹനങ്ങൾ കബ്ബൺ റോഡ്, ഡിക്കൻസൺ റോഡ്, സെന്റ് ജോൺസ് റോഡ് വഴിയും ഡിസ്പെൻസറി റോഡ് (ആലീസ് ജംഗ്ഷൻ) ഭാഗത്തുനിന്ന് വരുന്ന വാഹനങ്ങൾ ഡിക്കൻസൺ റോഡ്, സെന്റ് ജോൺസ് റോഡ് വഴിയും യാത്ര തുടരണമെന്നും പോലീസ് നിര്ദേശിച്ചിട്ടുണ്ട്.
SUMMARY: Attention to travelers; Kamaraj Road closed for 2 months
