ബെംഗളൂരു: തെരുവുനായ്ക്കളുടെ ആക്രമണത്തിൽ എട്ട് വയസുകാരിക്ക് പരുക്ക്. റായ്ച്ചൂരിൽ കഴിഞ്ഞ ദിവസം രാവിലെയാണ് സംഭവം. ചൈത്രയെന്ന പെൺകുട്ടിക്കാണ് പരുക്കേറ്റത്. രാവിലെ വീട്ടിൽ നിന്നും പുറത്തിറങ്ങിയ കുട്ടിയെ തെരുവുനായ ആക്രമിക്കുകയായിരുന്നു. 15ഓളം തെരുവുനായ്ക്കളുടെ കൂട്ടമാണ് കുട്ടിയെ ആക്രമിച്ചത്.
ആക്രമണത്തിൽ പെൺകുട്ടിയുടെ ചെവി, കഴുത്ത്, പുറം എന്നിവിടങ്ങളിൽ ഗുരുതരമായി പരുക്കേറ്റു. നാട്ടുകാർ ഇടപെട്ടാണ് നായ്ക്കളിൽ നിന്ന് കുട്ടിയെ രക്ഷിച്ചത്. ചൈത്രയെ സമീപത്തെ ആശുപത്രിയിൽ പ്രവേശിപ്പിച്ചു. കുട്ടിയുടെ നില അതീവഗുരുതരമാണെന്ന് പോലീസ് അറിയിച്ചു. തെരുവുനായ്ക്കളുടെ ശല്യത്തെക്കുറിച്ച് പലതവണ പരാതിപ്പെട്ടിട്ടും ഗ്രാമപഞ്ചായത്ത് അധികൃതർ അവഗണന കാണിക്കുന്നുവെന്ന് ചൈത്രയുടെ മാതാപിതാക്കളും നാട്ടുകാരും ആരോപിച്ചു. സംഭവത്തിൽ പോലീസ് കേസെടുത്തു.
TAGS: KARNATAKA | DOG ATTACK
SUMMARY: Eight-year-old girl in Raichur critically injured in stray dog attack
