ന്യൂയോർക്ക്: ലോകകപ്പ് ഫുട്ബോളിന്റെ ഗ്രൂപ്പ് സിയിൽ മുൻചാമ്പ്യന്മാരായ ബ്രസീലും മൊറോക്കോയും ആദ്യ മത്സരത്തിൽ സമനിലയിൽ പിരിഞ്ഞു. ന്യൂയോർക്ക്-ന്യൂജഴ്സി സ്റ്റേഡിയത്തിൽ നടന്ന മത്സരത്തിൽ ഇരുടീമുകളും ഓരോ ഗോൾ വീതം നേടി പിരിയുകയായിരുന്നു.
Vinicious Junior goal. If you missed it.
Brazil vs Morocco #FIFAWorldCup #WorldCup20 pic.twitter.com/hAYXLmtYHg
— Patrick Wambua (@wambuap_) June 13, 2026
മത്സരത്തിന്റെ ആദ്യ പകുതിയിലായിരുന്നു രണ്ടു ഗോളുകളും പിറന്നത്. മത്സരത്തിന്റെ 21-ാം മിനിറ്റിൽ ഇസ്മാഈൽ സായ്ബരിയിലൂടെ മൊറോക്കോയാണ് മത്സരത്തിൽ ആദ്യം ലീഡെടുത്തത്. അധികം വൈകാതെ സൂപ്പർതാരം വിനീഷ്യസ് ജൂനിയർ (32ാം മിനിറ്റിൽ) ബ്രസീലിനായി ഗോൾ മടക്കി. ആദ്യ മിനിറ്റു മുതൽ ആധിപത്യം പുലർത്തിയ മൊറോക്കോ, ബ്രസീലിന്റെ പ്രതിരോധ നിരക്ക് കടുത്ത ഭീഷണിയുയർത്തി. ബ്രസീൽ പ്രതിരോധ താരങ്ങൾക്കിടയിലൂടെ ബ്രഹീം ഡിയാസ് നൽകിയ ഒരു മനോഹര ത്രൂ ബാളാണ് ഗോളിലെത്തിയത്. മുന്നോട്ട് ഓടിക്കയറിയ ഗോൾ കീപ്പർ അലിസൺ ബക്കറിനു മുകളിലൂടെ സായ്ബരി പന്ത് ചിപ്പ് ചെയ്ത് വലയിലാക്കി.
തുടർന്ന് രണ്ടാം പകുതിയിൽ ബ്രസീലിന്റെ ആക്രമണങ്ങളും മൊറോക്കോയുടെ പ്രത്യാക്രമങ്ങളും ആവേശം വിതച്ചെങ്കിലും ഗോളിമാരുടെ മികവും പ്രതിരോധനിരയുടെ ക്ഷമയും കൂടുതൽ ഗോളുകൾ പിറക്കുന്നത് തടഞ്ഞു.ബ്രസീൽ അടുത്ത മത്സരത്തിൽ ഹെയ്തിയെയും മൊറോക്കോ സ്കോട്ട്ലൻഡിനെയും നേരിടും.
SUMMARY: FIFA World Cup 2026: Brazil-Morocco draw
