‘പൊങ്കാലക്കിടെ അനാവശ്യ വീഡിയോകളെടുത്ത് പ്രചരിപ്പിച്ചു, ഭക്തര്‍ക്ക് ബുദ്ധിമുട്ടുണ്ടായതില്‍ മാപ്പ് ചോദിക്കുന്നു’: നടി അന്ന രാജൻ

തിരുവനന്തപുരം: ആറ്റുകാല്‍ പൊങ്കാലയിടാനെത്തിയ തന്റെ മോശം വീഡിയോകളും ക്ലിപ്പുകളുമെടുത്ത് ചിലർ പ്രചരിപ്പിച്ചെന്ന് നടി അന്ന രേഷ്മ രാജൻ. ആ ഭക്തിസാന്ദ്രമായ നിമിഷത്തില്‍ നിന്ന് ശ്രദ്ധ തിരിച്ച്‌ ഇത്തരം പ്രവർത്തികള്‍ നടത്തുമെന്ന് താൻ വിചാരിച്ചിട്ടില്ലെന്നും ഏതെങ്കിലും ഭക്തരെ വേദനിപ്പിച്ചിട്ടുണ്ടെങ്കില്‍ ക്ഷമ ചോദിക്കുന്നുവെന്നും അന്ന പറയുന്നു. ആദ്യമായാണ് താൻ ആറ്റുകാല്‍ അമ്മയ്ക്ക് പൊങ്കാല അർപ്പിക്കാൻ എത്തിയതെന്ന് അന്ന കുറിച്ചു.

‘കൈകൂപ്പി, കണ്ണുനീരോടെ’ എന്ന് തുടങ്ങുന്ന കുറിപ്പിലാണ് അന്ന തന്റെ അനുഭവം പങ്കുവച്ചത്. ‘അതിഭയങ്കരമായ ചൂടില്‍ വിറകടുപ്പിന് മുന്നിലിരുന്ന് അമ്മയുടെ നാമം ജപിച്ച്‌ പൂർണ വിശ്വാസത്തോടെയാണ് ഞാൻ പൊങ്കാലയിട്ടത്. ആ പരിശുദ്ധമായ നിമിഷങ്ങളെ തെറ്റായ രീതിയില്‍ ചിത്രീകരിച്ച്‌ പ്രചരിപ്പിച്ചത് കണ്ടപ്പോള്‍ വലിയ സങ്കടം തോന്നി.’അന്ന രാജൻ പറയുന്നു. പൊങ്കാലയ്ക്കിടെ മോശമായ രീതിയില്‍ വീഡിയോ പ്രചരിപ്പിച്ചതിലും അന്ന പരാതി ഉന്നയിച്ചിട്ടുണ്ട്.

അന്നാ രാജന്റെ സോഷ്യല്‍ മീഡിയ കുറിപ്പ്:

കൂപ്പുകൈകളോടെ, നിറഞ്ഞ കണ്ണുകളുമായി…

എല്ലാം ആറ്റുകാല്‍ അമ്മയുടെ പാദങ്ങളില്‍ സമർപ്പിച്ചുകൊണ്ട്, അമ്മയുടെ എളിയ ഭക്തയായി ഞാൻ എന്നും നിലകൊള്ളും.

SUMMARY: ‘Unnecessary videos were taken and circulated during Pongala, I apologize for causing inconvenience to devotees’: Actress Anna Rajan