ബെംഗളൂരു: കേരളസമാജം ബെംഗളൂരു നോര്ത്ത് വെസ്റ്റ് വിദ്യാനിധിയുടെ ഭാഗമായി കുട്ടികള്ക്കുള്ള സ്കോളര്ഷിപ്പിന്റെ ആദ്യ ഗഡു സമാജം ഹാളില് വെച്ച് വിതരണം ചെയ്തു. 145,000/-രൂപയാണ് ആദ്യഘട്ടത്തില് വിതരണം ചെയ്തത്. സ്കോളര്ഷിപ്പ് വാങ്ങിയ കുട്ടികള് തങ്ങളുടെ പഠനം പൂര്ത്തിയാക്കിയ ശേഷം വരും തലമുറയ്ക്ക് ഇത്തരത്തിലുള്ള സഹായ ഹസ്തങ്ങള് നല്കണമെന്ന് പ്രസിഡന്റ് ആര്. മുരളീധര് അധ്യക്ഷത പ്രസംഗത്തില് പറഞ്ഞു. ട്രഷറര് ബിജു ജേക്കബ് കുട്ടികള്ക്ക് പ്രതിജ്ഞ വാചകം ചൊല്ലിക്കൊടുത്തു.
വൈസ് പ്രസിഡണ്ട് മാത്തുക്കുട്ടി ചെറിയാൻ, സെക്രട്ടറി പി. കെ. അജിത് കുമാര് നായര്, ജോയിന്റ് സെക്രട്ടറിമാരായ സി പി മുരളി, എസ്.എസ്. വിശ്വനാഥൻ പിള്ള, വിശ്വംഭരന്, കെ.പി. അശോകൻ കുമാർ, വി കെ വിജയൻ, കെ സുധീന്ദ്രൻ, അശോക്, അക്ഷയ കുമാര്, എന്നിവർ പങ്കെടുത്തു.
SUMMARY: Kerala Samajam Bengaluru Northwest Vidyanidhi Scholarship Distribution
