ബെംഗളൂരു: കേരളസമാജം ബാംഗ്ലൂര് ഈസ്റ്റ് സോണിന്റെ നേതൃത്വത്തില് ഡിമെന്ഷ്യ ഇന്ത്യ അലയന്സുമായി സഹകരിച്ച് മസ്തിഷ്കാരോഗ്യ സംരക്ഷണം എന്ന വിഷയത്തില് സെമിനാര് സംഘടിപ്പിച്ചു. സെമിനാര് കേരളസമാജം പ്രസിഡന്റ് എം ഹനീഫ് ഉത്ഘാടനം ചെയ്തു. ഈസ്റ്റ് സോണ് ചെയര്മാന് സജി പുളിക്കോട്ടില് അധ്യക്ഷത വഹിച്ചു.
സോണ് കണ്വീനര് രാജീവന്, മാനേജിംഗ് കമ്മിറ്റി അംഗം സോമരാജ് , പ്രോഗ്രാം കണ്വീനര് അനൂപ്, അജിത സതീഷ്, വനിതാ വിഭാഗം സോണ് ചെയര്പേഴ്സന് അനു അനില്, കണ്വീനര് ഡോണ സലി, സുധ സുധീര് ഡോ. പ്രിയ എന്നിവര് സംബന്ധിച്ചു
മൂന്നു മണി വരെ നീണ്ട ക്യാമ്പിന് സലികുമാര്, വിനോദ്, രജീഷ്, പ്രകാശ്,സുമോജ്മാത്യു,സത്യന്, സുനില് ബാലകൃഷ്ണന്, ഷിബു, ഗീത രാജീവന്, നാന്സി സജി, ലേഖ വിനോദ്, ലേഖ ജയകുമാര്, സുജ മധു എന്നിവര് നേതൃത്വം നല്കി.
സെമിനാറില് മസ്തിഷ്കാരോഗ്യ സംരക്ഷണം, ഓര്മ്മശക്തി വര്ധന, ഓര്മ്മക്കുറവ് തടയുന്നതിനുള്ള മുന്കരുതല് മാര്ഗ നിര്ദേശങ്ങള് എന്നിവ നല്കി. പരിപാടിയുടെ ഭാഗമായി മസ്തിഷ്കത്തെ ഉത്തേജിപ്പിക്കുന്ന വിവിധ വിനോദപ്രവര്ത്തനങ്ങള്, വിഷയവിദഗ്ധരുടെ പ്രഭാഷണങ്ങള്, വ്യക്തിഗത ഉപദേശങ്ങളും കൗണ്സലിംഗും നടന്നു. നൂറിലധികം ആളുകള് ക്യാമ്പില് പങ്കെടുത്തു.ഡോ പ്രിയ സെമിനാറിനു നേതൃത്വം നല്കി.
SUMMARY: Kerala Samajam East Zone organized a health seminar
