ബെംഗളൂരു: കാവേരി ജലവിതരണ പദ്ധതിയുടെ പമ്പിംഗ് സ്റ്റേഷനുകളിൽ അറ്റകുറ്റപ്പണികൾ നടക്കുന്നതിനാൽ സെപ്റ്റംബർ 15,16, 17 തീയതികളിൽ ബെംഗളുരുവിൽ ജലവിതരണം തടസ്സപ്പെടുമെന്ന് ബെംഗളൂരു ജലവിതരണ, മലിനജല ബോർഡ് (BWSSB) അറിയിച്ചു.
തടസ്സമില്ലാതെ കുടിവെള്ളം വിതരണം ചെയ്യുന്നതിനായി പമ്പിംഗ് സ്റ്റേഷനുകളുടെയും പ്രധാന പൈപ്പ്ലൈനുകളുടെയും സുഗമമായ പ്രവർത്തത്തിനാണ് അറ്റകുറ്റപ്പണികൾ എന്ന് ബിഡബ്ല്യുഎസ്എസ്ബി ചെയർമാൻ ഡോ. വി. രാം പ്രസാത് മനോഹർ ഒരു പത്രക്കുറിപ്പിൽ പറഞ്ഞു.
ജലവിതരണം തടസ്സപ്പെടുന്നതിൻ്റെ വിവരങ്ങൾ
കാവേരി ഫിഫ്ത്ത് സ്റ്റേജിൽ പമ്പിംഗ് സ്റ്റേഷനുകൾ സെപ്റ്റംബർ 15 ന് പുലർച്ചെ 1 മണി മുതൽ സെപ്റ്റംബർ 17 ന് ഉച്ചയ്ക്ക് 1 മണി വരെ, മൊത്തം 60 മണിക്കൂർ നിർത്തിവെയ്ക്കും.
കാവേരി സ്റ്റേജുകൾ 1, 2, 3, 4 എന്നിവിടങ്ങളിലെ പമ്പിംഗ് സ്റ്റേഷനുകൾ സെപ്റ്റംബർ 16 ന് രാവിലെ 6 മുതൽ സെപ്റ്റംബർ 17 ന് രാവിലെ 6 വരെ, മൊത്തം 24 മണിക്കൂർ നിർത്തിവെക്കും. ഈ ദിവസങ്ങളിൽ കാവേരി വാട്ടർ ടാങ്കറുകൾ വഴിയുള്ള പതിവ് ജലവിതരണം ഉണ്ടായിരിക്കുന്നതല്ല. അതേ സമയം അടിയന്തര ആവശ്യങ്ങൾക്ക് ജലവിതരണം ഉണ്ടായിരിക്കുമെന്നും ബോർഡ് വ്യക്തമാക്കി.
SUMMARY: Maintenance: Cauvery water supply to be disrupted for 3 days in Bengaluru
