ബെംഗളൂരു: ബെംഗളൂരു – പൂനെ ഹൈവേയിലുണ്ടായ വാഹനാപകടത്തിൽ ഒരു മരണം. ബെളഗാവി നിപ്പാനി ടൗണിന് സമീപം സ്ഥാവനിധി ഘട്ടിലാണ് അപകടമുണ്ടായത്. ഹൈവേയിൽ വെച്ച് നിയന്ത്രണം നഷ്ടപ്പെട്ട ട്രക്ക് ഒന്നിലധികം വാഹനങ്ങളിൽ ഇടിച്ചാണ് അപകടമുണ്ടായത്. സംഭവത്തിൽ 15 പേർക്ക് പരുക്കേറ്റു.
ഖാനാപൂർ താലൂക്കിലെ ജാംബോട്ടിയിൽ നിന്നുള്ള നാരായൺ പർവാദ്കർ (65) ആണ് മരിച്ചത്. അമിതവേഗതയിലെത്തിയ ട്രക്ക് രണ്ട് കാറുകൾ, ഒരു ക്രൂയിസർ പാസഞ്ചർ വാഹനം, ഇരുചക്രവാഹനം എന്നിവയിൽ ഇടിച്ചാണ് അപകടമുണ്ടായത്. അപകടത്തിൽ ട്രക്ക് പൂർണമായും തകർന്നു. മറ്റ് വാഹനങ്ങൾക്കും സാരമായ കേടുപാടുകൾ സംഭവിച്ചു. സംഭവത്തിൽ പോലീസ് കേസെടുത്തു.
TAGS: BENGALURU | ACCIDENT
SUMMARY: One dead, 15 injured in crash on Pune-B’luru highway near Nippani
