മലപ്പുറം: ഗൂഡല്ലൂരില് കാട്ടാനാക്രമണത്തില് ഒരാള് മരിച്ചു. മുരുക്കംപാടി സ്വദേശി ചെമ്പന് (65) ആണ് മരിച്ചത്. കൂടെയുണ്ടായ വിഷ്ണു പരുക്കുകളോടെ രക്ഷപ്പെട്ടു. അയ്യന്കൊല്ലിക്ക് സമീപം തട്ടാന്പാറ മുരുക്കംപാടി ഉന്നതിയില് ഇന്ന് രാവിലെയാണ് സംഭവം.
പുലര്ച്ചെ അഞ്ചോടെ വീടിന് പുറത്തിറങ്ങിയപ്പോഴാണ് ഇവര്ക്ക് നേരേ ആക്രമണമുണ്ടായത്. പരുക്കേറ്റ വിഷ്ണു നിലവില് ചികില്സയിലാണ്. ചെമ്പന്റെ മൃതദേഹം പോസ്റ്റ്മോര്ട്ടം നടപടികള്ക്കായി പന്തല്ലൂര് സര്ക്കാര് ആശുപത്രിയിലേക്ക് മാറ്റിയിരിക്കുകയാണ്.
SUMMARY: One person died in a wild elephant attack in Gudalur
