ബെംഗളൂരു: സംസ്ഥാനത്തെ വിവിധ ജില്ലകളില് കനത്ത മഴ തുടരുന്നു. മലനാട്, തീരദേശ ജില്ലകളിലാണ് മഴ ശക്തമായത്. തുടർച്ചയായി കനത്ത മഴ പെയ്യുന്നതിനാൽ നദികളുടെ ജലനിരപ്പ് ഉയരുകയും സംസ്ഥാനത്തുടനീളമുള്ള ജലസംഭരണികളിലേക്കുള്ള നീരൊഴുക്ക് വർദ്ധിക്കുകയും ചെയ്തു. മഹാരാഷ്ട്രയിൽ മഴ ശക്തമായതിനെ തുടർന്ന് കൃഷ്ണ നദിയിൽ ജലനിരപ്പുയർന്നതോടെ സമീപ മേഖലകൾ കൂടി വെള്ളപ്പൊക്ക ഭീഷണിയിലായി. ബെളഗാവിയിലെയും ചിക്കോടിയിലെയും 8 പാലങ്ങൾ വെള്ളത്തിൽ മുങ്ങി. ഇന്നലെ സംസ്ഥാനത്തെ 14 താലൂക്കുകളിലെ സ്കൂളുകൾക്ക് അവധി നല്കിയിരുന്നു.
ഇന്ന് 7 ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. കുടക്, ഹാസൻ, ചിക്കമഗളൂരു, ദക്ഷിണ കന്നഡ, ശിവമൊഗ്ഗ, ഉഡുപ്പി, ഉത്തര കന്നഡ ജില്ലകളിലാണ് ഓറഞ്ച് ജാഗ്രത നല്കിയത്. ബെളഗാവി, ധാർവാഡ് ജില്ലകളിൽ യെലോ അലർട്ടുമുണ്ട്. ബെംഗളൂരു നഗരത്തിലും റൂറലിലും മൈസൂരു, കോലാർ തുടങ്ങിയ ജില്ലകളിലും മഴ ലഭിക്കുമെന്നും മുന്നറിയിപ്പില് പറയുന്നു.
SUMMARY: Orange alert in 7 districts of Karnataka today
