പാരീസ്: പ്രശസ്ത ഫ്രഞ്ച് നടി നതാലി ബായേ (77) അന്തരിച്ചു. മസ്തിഷ്കത്തിലെ ന്യൂറോണുകളെ ബാധിക്കുന്ന രോഗാവസ്ഥമൂലം ചികിത്സയിലിരിക്കെയാണ് അന്ത്യം സംഭവിച്ചത്. ഫ്രഞ്ച് സിനിമയിലെ ഏറ്റവും ഉയർന്ന പുരസ്കാരമായ സെസാർ അവാർഡ് നാലു തവണ നേടിയ നതാലി ദീർഘകാലമായി രോഗബാധിതയായിരുന്നു. ഓസ്കർ ബഹുമതിക്കു തുല്യമായ ഫ്രഞ്ച് പുരസ്കാരമാണ് സെസാർ അവാർഡ്.
എൺപതോളം ചലച്ചിത്രങ്ങളിൽ ബായേ അഭിനയിച്ചു. ഫ്രാൻസ്വാ ട്രൂഫോ, ഴാങ് ലൂക് ഗോദാർദ് തുടങ്ങിയവരുടെ ചിത്രങ്ങളുടെ ഭാഗമായി.
1948-ൽ നോർമൻഡിയിലാണ് ജനനം. അഭിനയരംഗത്തെത്തുംമുൻപ് നർത്തകിയെന്ന നിലയിൽ ശ്രദ്ധനേടി. 1973-ൽ പുറത്തിറങ്ങിയ പ്രണയഹാസ്യചിത്രം ലന്യൂ അമേരിക്കൈൻ (ഇംഗ്ലീഷിൽ ‘ഡേ ഫോർ നൈറ്റ്’) ആണ് അവർക്ക് ശ്രദ്ധനേടിക്കൊടുത്തത്. ഫ്രഞ്ച് സിനിമകൾക്ക് പുറമെ ഹോളിവുഡിലും നതാലി തന്റെ സാന്നിധ്യം അറിയിച്ചിട്ടുണ്ട്. സ്റ്റീവൻ സ്പീൽബർഗ് സംവിധാനം ചെയ്ത ‘ക്യാച്ച് മി ഇഫ് യു കാൻ’ എന്ന ചിത്രത്തിൽ ലിയോനാർഡോ ഡികാപ്രിയോയുടെ കഥാപാത്രത്തിന്റെ അമ്മയായി നതാലി നടത്തിയ പ്രകടനം ഏറെ പ്രശംസ പിടിച്ചുപറ്റിയിരുന്നു.
പ്രശസ്തനടി ലോറാ സ്മിത് മകളാണ്.
SUMMARY: Renowned French actress Nathalie Baye passes away
