അങ്കമാലി: അങ്കമാലി നെടുമ്പാശ്ശേരി ദേശീയപാതയില് വാഹനാപകടം. അപകടത്തില് രണ്ട് യുവാക്കള് മരിച്ചു. പത്തനംതിട്ട സ്വദേശികളായ വെട്ടിപ്പുറം ശ്രീശൈലത്തില് കുമാറിന്റെ മകൻ കബില്(24), മാക്കൻകുന്നുകരയില് ശ്രീ ശൈലം വീട്ടില് ആദിത്യനു (23)മാണ് മരിച്ചത്. ഇന്ന് ഉച്ചയ്ക്കാണ് അപകടമുണ്ടായത്. ഇരുവരും സഞ്ചരിച്ചിരുന്ന ബൈക്ക് നിയന്ത്രണം വിട്ട് ആദ്യം ഒരു കാറിന് പിന്നിലും, പിന്നീട് ലോറിക്ക് പിന്നിലും ഇടിച്ച് മറിയുകയായിരുന്നു.
നാട്ടുകാർ ഉടൻ തന്നെ യുവാക്കളെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. യുവാക്കളുടെ മൃതദേഹം അങ്കമാലി എല് എഫ് ആശുപത്രിയിലേക്ക് മാറ്റി. ദേശീയ പാതയുടെ പണി നടക്കുന്നതിനാല് സ്ഥിരമായി അപകടം സംഭവിക്കുന്ന മേഖലയാണിതെന്ന് നാട്ടുകാർ ആരോപിക്കുന്നു. രണ്ടാഴ്ച്ച മുമ്പും ഇതെ സ്ഥലത്ത് വച്ച് അപകടത്തില് രണ്ട് പേർക്ക് ജീവൻ നഷ്ടപ്പെട്ടിരുന്നു.
SUMMARY: Road accident on Nedumbassery National Highway: Two youths from Pathanamthitta die
