ബെംഗളൂരു: മലയാളം മിഷൻ ആഗോളതലത്തിൽ നടത്തിയ സുഗതാഞ്ജലി കാവ്യാലാപന മത്സരത്തിൽ മികച്ച നേട്ടവുമായി കർണാടക ചാപ്റ്റര് വിദ്യാർഥികള്. ഗ്രാന്ഡ് ഫിനാലെയില് പങ്കെടുത്ത ചാപ്റ്ററിലെ മൂന്ന് വിദ്യാർഥികളിൽ രണ്ടുപേരാണ് സമ്മാനം നേടിയത്. മൈസൂരു കേരള സമാജം പഠനകേന്ദ്രത്തിലെ ദക്ഷ് എൻ. സ്വരൂപ് സബ് ജൂനിയർ വിഭാഗത്തിൽ രണ്ടാം സ്ഥാനവും ജൂനിയർ വിഭാഗത്തിൽ ബെംഗളൂരു സൗത്ത് മേഖലയിലെ കോൺകോർഡ് മാൻഹാട്ടൻസ് അപ്പാർട്ട്മെൻ്റ് പഠനകേന്ദ്രത്തിലെ നസ്റിൻ ഷാനിയാസ് പ്രത്യേക ജൂറി പരാമർശനവുമാണ് നേടിയത്.
കര്ണാടകയില്നിന്ന് 100ലധികം കുട്ടികള് സുഗതാഞ്ജലി ആഗോളതല കാവ്യാലാപന മത്സരത്തില് പങ്കെടുത്തിരുന്നു. സബ് ജൂനിയർ, ജൂനിയർ, സീനിയർ വിഭാഗങ്ങളിലായിട്ടാ യിരുന്നു സുഗതാഞ്ജലി മത്സരം നടത്തിയത്. മാതൃഭാഷ ദിനത്തോട് അനുബന്ധിച്ച് മലയാളം മിഷൻ തിരു വനന്തപുരത്ത് സംഘടിപ്പിക്കുന്ന മലയാൺമ പരിപാടിയുടെ സമാപനച്ചടങ്ങിൽ മുഖ്യമന്ത്രി പിണറായി വിജയൻ സമ്മാനങ്ങൾ വിതരണംചെയ്യും.
SUMMARY: Sugatanjali Competition: Karnataka Chapter students win in Grand Finale
