ബെംഗളൂരു: സമസ്ത കേരള ജംഇയ്യത്തുല്‍ മുഅല്ലിമീംന്‍ ബാംഗ്ലൂര്‍ ജില്ലാ തഖ്‌വിയ സംഗമവും ത്വാഖാ ഉസ്താദ് അനുസ്മരണവും ഡബിള്‍ റോഡ് ദാറുല്‍ ഹുദ ഓഡിറ്റോറിയത്തില്‍ നടന്നു. എസ്‌കെജെഎം ബെംഗളൂരു ജില്ലാ പ്രസിഡണ്ട് അബ്ദു റസാഖ് ഫൈസിയുടെ പ്രാര്‍ത്ഥനയോടെ ആരംഭിച്ച യോഗത്തില്‍ ഹാഫിള് ഫൈസല്‍ മുസ്ലിയാര്‍ ഖിറാഅത്തും ജില്ലാ സെക്രട്ടറി സുഹൈല്‍ ഫൈസി സ്വാഗതവും പറഞ്ഞു. ഡബിള്‍ റോഡ് ദീനുല്‍ ഇസ്ലാം മദ്രസ സ്വദര്‍ അബ്ദുല്‍ സത്താര്‍ മൗലവി ഉദ്ഘാടനം ചെയ്തു.
ഉസ്താദ് ഷൗക്കത്തലി വെള്ളമുണ്ട മുഖ്യപ്രഭാഷണം നടത്തി. കുടക് ജില്ലാ മുദരിബ് ഉസ്താദ് ആരിഫ് ഫൈസി ബെംഗളൂരു മുദരിബ് ഹംസ ഫൈസി തൊഡാര്‍ എന്നിവര്‍ വിവിധ വിഷയങ്ങളില്‍ പ്രഭാഷണം നടത്തി. ജില്ലാ കമ്മിറ്റിയുടെ കീഴില്‍ നടത്താന്‍ ഉദ്ദേശിക്കുന്ന തകഫുല്‍ പദ്ധതിയുടെ പ്രഖ്യാപനം ഷൗക്കത്തലി വെള്ളമുണ്ട നടത്തി.
ട്രഷറര്‍ മുസ്തഫ ഹുദവി, എസ്ബിവി ചെയര്‍മാന്‍ ഹുസൈനാര്‍ ഫൈസി, ബെംഗളൂരു സൗത്ത് റെയ്ഞ്ച് ട്രഷറര്‍ അബ്ദുല്‍ സലാം അലമ്പാടി, നോര്‍ത്ത് റെയ്ഞ്ച് ട്രഷറര്‍ ശംസുദ്ധീന്‍ കൂടാളി, ദീനുല്‍ ഇസ്ലാം മദ്രസ സെക്രട്ടറി നാസര്‍, ജില്ലാ എസ്ബിവി കണ്‍വീനര്‍ മുഹമ്മദ് സഫ്വാന്‍ ഫൈസി എന്നിവര്‍ സംസാരിച്ചു.
