ഹൈദരാബാദ്: തെലങ്കാനയില് പുതിയ പാര്ട്ടി പ്രഖ്യാപിച്ച് മുന് തെലങ്കാന മുഖ്യമന്ത്രി കെ ചന്ദ്രശേഖര റാവുവിന്റെ മകളും മുന് ബിആര്എസ് നേതാവുമായ കെ കവിത. ബിആര്എസില് നിന്ന് രാജിവച്ച് ഏഴ് മാസത്തിനു ശേഷമാണ് കവിത പുതിയ പാര്ട്ടി പ്രഖ്യാപിച്ചത്. തെലങ്കാന രാഷ്ട്ര സേന (ടിആര്എസ്) എന്നാണ് പാര്ട്ടിയുടെ പേര്. മുനീറാബാദിലെ കണ്വെന്ഷന് സെന്ററില്വച്ചാണ് പാര്ട്ടി പ്രഖ്യാപനം.
തെലങ്കാനയുടെ വികസനമാണ് ലക്ഷ്യം. ടിആര്എസ് 2029ലെ തിരഞ്ഞെടുപ്പില് മത്സരിക്കുമെന്നും കെ കവിത പറഞ്ഞു. ഹൈദരാബാദിലെ വസതിയില് പൂജ നടത്തിയ ശേഷമാണ് കവിത പാര്ട്ടി പ്രഖ്യാപനം നടത്തിയത്. തുടര്ന്ന് ഗണ്പാര്ക്കിലെ രക്തസാക്ഷി മണ്ഡപത്തില് പുഷ്പാര്ച്ചനയും നടത്തി. നാടന് പാട്ടുകളുടെയും നൃത്തങ്ങളുടെയും അകമ്പടിയോടെ വലിയ ആഘോഷമായാണ് പാര്ട്ടി പ്രഖ്യാപന ചടങ്ങ് നടത്തിയത്.
ബിആർഎസിന്റെ എംപിയായും തെലങ്കാന ലെജിസ്ലേറ്റീവ് കൗൺസിൽ അംഗമായും കവിത പ്രവർത്തിച്ചിട്ടുണ്ട്. സഹോദരനും ബിആർഎസ് വർക്കിങ് പ്രസിഡന്റുമായ കെ.ടി. രാമറാവുവുമായുള്ള അഭിപ്രായവ്യത്യാസങ്ങളാണ് കവിതയെ പാർട്ടിയിൽനിന്ന് പുറത്താക്കുന്നതിലേക്ക് നയിച്ചത്.
SUMMARY: ‘Telangana Rashtra Sena’; K Kavitha with new party
WhatsApp
Telegram
