കൊച്ചി: സംസ്ഥാനത്തിന്റെ സ്വപ്നപദ്ധതിയായ കോഴിക്കോട്-വയനാട് ജില്ലകളെ ബന്ധിപ്പിക്കുന്ന ഇരട്ട തുരങ്കപാതയുടെ നിര്മ്മാണ ഉദ്ഘാടനം മുഖ്യമന്ത്രി നിര്വ്വഹിച്ചു. തുരങ്കപാത പൂര്ത്തിയാകുമ്പോൾ ഇന്ത്യയിലെ തന്നെ ഏറ്റവും ദൈര്ഘ്യമുള്ള മൂന്നാമത്തെ തുരങ്കപാതയായിരിക്കും ഇതെന്ന് മുഖ്യമന്ത്രി പറഞ്ഞു. താമരശ്ശേരി ചുരം വഴിയുള്ള ഗതാഗതക്കുരുക്കിന് ഇത് ശാശ്വത പരിഹാരമാകും.
പ്രകടനപത്രികയിലെ വാഗ്ദാനമായിരുന്നു തുരങ്കപാത. 2016 ശേഷം നല്കിയ വാഗ്ദാനങ്ങള് നടപ്പാക്കപ്പെടുമെന്ന ശുഭപ്രതീക്ഷ ജനങ്ങള്ക്കുണ്ടായെന്നും മുഖ്യമന്ത്രി പറഞ്ഞു. ചുരമില്ലാ പാതയെന്ന വയനാട്ടുകാരുടെ പതിറ്റാണ്ടുകളായുള്ള ആവശ്യമാണ് ആനക്കാംപൊയില്-കള്ളാടി-മേപ്പാടി തുരങ്കപാതയുടെ നിര്മ്മാണത്തോടെ സാഫല്യമാകാന് പോകുന്നത്. കിഫ്ബി പദ്ധതിയില് ഉള്പ്പെടുത്തി 2,134 കോടി രൂപ ചെലവഴിച്ചാണ് പാത നിര്മാണം.
മല തുരന്നുള്ള നിര്മ്മാണം നാലുവര്ഷം കൊണ്ട് പൂര്ത്തിയാകും. എട്ട് കിലോമീറ്ററും 73 മീറ്ററുമാണ് നീളം. വയനാട്ടിലേക്കുള്ള യാത്രാ സമയം ഒന്നര മണിക്കൂര് ആയി കുറയും. ചുരം ബദല് പാത എന്നത് മാത്രമാകില്ല തുരങ്ക പാതയുടെ വിശേഷണം, വിനോദസഞ്ചാര മേഖലയ്ക്ക് മുതല്ക്കൂട്ടാവുന്ന തുരങ്കപാത പുതിയൊരു വ്യവസായ ഇടനാഴി കൂടിയാണ്.
SUMMARY: ‘Wayanad Tunnel Project will give a boost to Malabar’s commercial, industrial and tourism sectors’; Chief Minister
