കൊച്ചി: പ്രമുഖ നാടകകലാകാരന് വിജേഷ് കെ വി അന്തരിച്ചു. തേവര സേക്രഡ് ഹാര്ട്ട് കോളേജില് നാടക പരിശീലനത്തിനിടയില് കുഴഞ്ഞ് വീഴുകയായിരുന്നു. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
നാടക രചയിതാവ്, സംവിധായകന്, അഭിനയ പരിശീലകന് എന്നീ നിലകളിലെല്ലാം അറിയപ്പെടുന്ന കലാകാരനാണ് വിജേഷ്. ‘നിങ്ങള് നിങ്ങളെ മാത്രം ഇഷ്ടപ്പെടല്ലപ്പാ.. , പെരുത്ത ഭൂമീന്റെ ഉള്ളിന്റുള്ളില് ഒരു ചെറിയ ഭൂമീണ്ട്’ തുടങ്ങിയ നാടക ഗാനങ്ങളുടെ രചയിതാവ് കൂടിയാണ് അദ്ദേഹം. കോഴിക്കോട് സ്വദേശിയായ വിജേഷ് സ്കൂള് ഓഫ് ഡ്രാമയിലെ പഠനശേഷമാണ് നാടക മേഖലയില് സജീവമാകുന്നത്.
മങ്കിപ്പെന്, മാല്ഗുഡി ഡെയ്സ്, മൈ ഗോഡ്, മൈ ഗ്രേറ്റ് ഫാദര്, ഗോള്ഡ് കോയിന്, പുള്ളിമാന് ആമി, ക്ലിന്റ് തുടങ്ങിയ അനേകം ചിത്രങ്ങളില് പ്രവര്ത്തിച്ചു. ഭാര്യ: കബനി. മകള്: സൈറ
SUMMARY: Theatre artist Vijesh KV passes away
