തിരുവനന്തപുരം: തിരുവനന്തപുരം കോർപറേഷനിലെ കൗണ്‍സിലറും കാപ്പാ കേസ് പ്രതിയുമായ ആർ.സുഗതന് അവധി അനുവദിച്ചു. ഇന്ന് ചേർന്ന കൗണ്‍സില്‍ യോഗത്തില്‍ 51 പേർ അവധി അപേക്ഷയെ പിന്താങ്ങി. യുഡിഎഫ് വിമതൻ സുധീഷിന്‍റെ പിന്തുണയോടെയാണ് അപേക്ഷ പാസായത്. ശക്തമായ പ്രതിപക്ഷ പ്രതിഷേധമാണ് ഇതേത്തുടർന്ന് കൗണ്‍സില്‍ യോഗത്തിലുണ്ടായത്. എല്‍ഡിഎഫ് കൗണ്‍സിലർമാർ ഡയസിന് മുന്നില്‍ പ്രതിഷേധിച്ചു.
കാപ്പാ കേസ് പ്രതിയായ സുഗതൻ വിയ്യൂർ ജയിലില്‍ കഴിയുകയാണ് നിലവില്‍. മേയറുടെ കാസ്റ്റിങ് വോട്ട് ഉള്‍പ്പെടെ 51 പേർ അവധി അപേക്ഷയെ പിന്തുണച്ചതോടെയാണ് വാഴോട്ടുകാണം വാർഡ് കൗണ്‍സിലർ സുഗതന് കോർപറേഷൻ യോഗത്തില്‍ ഹാജരാകുന്നതില്‍ അവധി അനുവദിച്ചിരിക്കുന്നത്. കൗണ്‍സില്‍ യോഗത്തില്‍ പങ്കെടുക്കാൻ എസ്കോർട്ട് പരോള്‍ വേണമെന്ന സുഗതന്‍റെ ആവശ്യം മുൻപ് ആഭ്യന്തരവകുപ്പ് നിരസിച്ചിരുന്നു. അതേസമയം, മുനിസിപ്പാലിറ്റി ആക്‌ട് അനുസരിച്ച്‌ കൗണ്‍സില്‍ വോട്ടിനിട്ട് അവധി അംഗീകരിച്ചതോടെ സുഗതന്‍റെ കൗണ്‍സിലർ സ്ഥാനം സുരക്ഷിതമായി തുടരും.
SUMMARY: Thiruvananthapuram Corporation Councilor Sugathan granted six months’ leave
